Chabar za «vyrašeńnie pytańnia» z terminovaj słužbaj u vojsku, jakija biaruć niekatoryja niadobrasumlennyja supracoŭniki vajenkamataŭ, varjujucca ŭ miežach $ 1,5–2 tys.,paviedamiŭ načalnik Hałoŭnaha ŭpraŭleńnia pa baraćbie z ekanamičnymi złačynstvami kryminalnaj milicyi (HUBEZ KM) MUS Biełarusi pałkoŭnik milicyi Eduard Nikicin.
«Na siońniašni dzień užo bolš za dva dziesiatki takich faktaŭ vyjaŭlena», —adznačyŭ načalnik HUBEZ. Jon rastłumačyŭ, što
złačynstvy, jak praviła, ździajśniajucca supracoŭnikami kamisaryjataŭ i miedykami, jakija ŭstupajuć u zmovu. Pasiaredniki padšukvajuć dla ich pryzyŭnikoŭ, jakija chočuć takim čynam paźbiehnuć vajskovaj słužby.
Pry hetym, pa słovach Eduarda Nikicina, asnoŭnymi ŭdzielnikami takich karupcyjnych złačynstvaŭ źjaŭlajucca asoby, jakija zakančvajuć navučalnyja ŭstanovy albo adličanyja na roznych padstavach. U adpaviednaści ź isnujučymi narmatyŭnymi dakumientami,
navučency na pieryjad adterminoŭki majuć prava pa ŭłasnym žadańni prachodzić albo nie prachodzić miedycynskaje abśledavańnie.«Naturalna, padčas vučoby nichto miedkamisiju nie prachodzić, a kali nastaje čas iści ŭ vojska, u pryzyŭnikoŭ adrazu vyjaŭlajucca dziasiatki chvarob», — adznačyŭ načalnik HUBEZ.
Štohod kolkaść pryzyŭnikoŭ, jakija vyzvalajucca ad słužby ŭ vojsku ŭ suviazi z roznymi zachvorvańniami, dasiahaje 30–35% ad ahulnaj kolkaści.
HUBEZ płanuje źviarnucca ŭ Ministerstva achovy zdaroŭja z prapanovaj abaviazać pryzyŭnikoŭ, jakim dadzienaja adterminoŭka, prachodzić štohadovy dyspansierny miedycynski ŭlikdla taho, kab adsočvać raźvićcio chvarob na praciahu ŭsiaho pieryjadu adterminoŭki. «Na našu dumku, takija miery pavinny skaracić kolkaść sprob „adkasić“ z dapamohaj lipavaj daviedku ad lekara», — reziumavaŭ Eduard Nikicin.
0
0
0
0
0
0
