Pra heta ŭ svaim błohu paviedamiŭ deputat Jeŭraparłamienta Marek Mihalski.
«Ja tolki što viarnuŭsia ź pieramovaŭ u spravie rezalucyi Jeŭraparłamienta ab situacyi ŭ Biełarusi, -- napisaŭ Mihalski, jaki cytuje tekst rezalucyi:
«Zaklikać nacyjanalnyja chakiejnyja fiederacyi krain — členaŭ ES i ŭsich inšych demakratyčnych krain, u tym liku ŭ časie kanhresa Mižnarodnaj fiederacyi chakieju ŭ Chielsinki (maj, 2012), pierahledzieć svajo raniejšaje rašeńnie i pieranieści čempijanat śvietu 2014 hoda ŭ inšuju krainu, pakul u Biełarusi nie buduć viazvalenyja palitviaźni, viaźni sumleńnia i pakul režym nie budzie prajaŭlać vidavočnych prykmiet pavažańnia pravoŭ čałavieka i pryznavać viaršenstva zakona».
Nahadajem, što 1 sakavika deputat Jeŭraparłamienta ad Polščy Marek Mihalski inicyjavaŭ u internecie zbor podpisaŭ za admienu čempijanatu śvietu pa chakiei ŭ 2014 h. u Biełarusi pad nazvaj «Pakiń dyktatara na lodzie». Tak, prapanoŭvałasia źbirać podpisy pad zvarotam da Mižnarodnaj fiederacyi chakieja i nacyjanalnych fiederacyj, kab prava praviadzieńnia suśvietnaha pieršynstva było addadziena inšaj dziaržavy.
Nahadajem, 27 lutaha šviedskija ŚMI sa spasyłkaj na dyrektara Mižnarodnaj fiederacyi chakieja (IIHF) pa suviaziach z hramadskaściu Šymana Šembierha raspaŭsiudzili infarmacyju ab tym, što majski kanhres IIHF moža pierahledzieć miesca praviadzieńnia čempijanatu 2014 hoda.
Biełaruś atrymała prava pravieści čempijanatu śvietu pa chakiei na kanhresie Mižnarodnaj fiederacyi ŭ 2009 h.
