Na litoŭskaj miažy zhareła rasijskaja fura z santechnikaj

Siońnia nočču na miažy ź Litvoj zhareŭ hruzavy aŭtamabil (1998 hoda vypusku) z pryčepam. Pažar zdaryŭsia kala punktu propusku «Katłoŭka» na stajancy «Słabodka» Astravieckaha rajona.

Jak raspavioŭ vyratavalnikam 53-hadovy kiroŭca, jon vioz z Kalininhrada ŭ Samaru tranzitam praź Litvu i Biełaruś 14 ton santechniki: unitazy, vannyja. Mašyna try dni była na stajancy, kiroŭca ŭ joj žyŭ. Na praciahu hetaha času mužčyna ramantavaŭ turbinu ruchavika.

Siońnia nočču kiroŭca pračnuŭsia ad jedkaha pachu dymu.

Kali vyratavalniki byli na miescy pažaru, kabina mašyny «MAN-23403» całkam zhareła, byŭ paškodžany tent kuzava i pryčepa, upakovačnaja tara santechniki.

Papiaredniaja pryčyna pažaru — karotkaje zamykańnie aŭtanomnaha abahravalnika na dyzielnym palivie pad siadzieńniem kiroŭcy.

0

0

0

0

0

0

Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH