U prajekcie ŭtrymlivajecca zaklik da Mižnarodnaj federacyi chakieju pierahledzieć svajo rašeńnie pravieści čempijanat śvietu 2014 hodu ŭ Biełarusi.
U prajekcie havorycca, što Eŭraparlament:
1. Praciahvaje rašuča asudžać paharšeńnie sytuacyi ŭ halinie pravoŭ čałavieka i asnoŭnych svabodaŭ, u spałučeńni z adsutnaściu hłybokich demakratyčnych i ekanamičnych reformaŭ u Biełarusi, i budzie dalej vystupać suprać cisku na praciŭnikaŭ režymu ŭ Miensku;
2. Asudžaje bieśpierapynny pieraśled abaroncaŭ pravoŭ čałavieka i pradstaŭnikoŭ demakratyčnaj apazycyi, a taksama aktyvistaŭ hramadzianskaj supolnaści i niezaležnych ŚMI ŭ Biełarusi pa palityčnych matyvach;
3. Patrabuje biezumoŭnaha i nieadkładnaha vyzvaleńnia ŭsich palityčnych viaźniaŭ, nahadvaje, što nia moža być nijakaha prahresu ŭ dyjalohu pamiž Eŭraźviazam i Biełaruśsiu biez prahresu ŭ halinie demakratyi, pravoŭ čałavieka i viaršenstva zakona ŭ Biełarusi; i pakul nia buduć biezumoŭna vyzvalenyja i całkam reabilitavanyja ŭsie palityčnyja viaźni, u tym liku Aleś Bialacki, kiraŭnik pravaabarončaha centru «Viasna» i vice-prezydent FIDH, dva eks-kandydaty ŭ prezydenty Mikoła Statkievič i Andrej Sańnikaŭ, kiraŭniki prezydenckaj kampanii demakratyčnych kandydataŭ ad apazycyi Pavieł Sieviaryniec i Źmicier Bandarenka, a taksama Siarhiej Kavalenka, palityčny viazień, zatrymany pa abvinavačvańni ŭ parušeńni chatniaha aryštu, jaki pravodzić doŭhuju haładoŭku, jakaja pryviała da krytyčnaha paharšeńnia jaho zdaroŭja i niepasredna pahražaje jaho žyćciu.
4. Padkreślivaje, što rašeńnie ab adklikańni ŭsich pasłoŭ krain-členaŭ EZ ź Biełarusi dakazvaje, što sproby biełaruskich uładaŭ padzialić Eŭraźviaz na padstavie pryniaćcia rašeńnia ab sankcyjach nie udałosia;
5. Padkreślivaje, što ćviordaja prychilnaść z boku ŭsich dziaržaŭ-členaŭ EZ i inšych demakratyčnych krain dziejničać adzinym frontam u momant nieabchodnaści moža spryjać ahulnačałaviečym kaštoŭnaściam u takich krainach, jak Biełaruś, i nablizić ich da šlachu pierachodu da demakratyi;
6. Asudžaje ahresiŭnuju rytoryku, jakuju vykarystoŭvaje Alaksandar Łukašenka ŭ dačynieńni da ministram zamiežnych spraŭ Niamieččyny;
7. Padkreślivaje, što zamiest pahłybleńnia samaizalacyi, Miensk pavinien zrabić pravilny vybar dla svajho narodu i adkryć dźviery da demakratyi;
8. Zaklikaje nacyjanalnyja federacyi chakieju krain-členaŭ EZ i ŭsich inšych demakratyčnych krainaŭ zaklikać Mižnarodnuju chakiejnuju federacyju (IHF) na svaim nastupnym kanhresie ŭ traŭni ŭ Chelsynki znoŭ abmierkavać svajo raniej pryniataje rašeńnie ab praviadzieńni ŭ 2014 hodzie čempijanatu śvietu pa chakiei ŭ Biełarusi i abmierkavać mahčymaść pieranosu čempijanatu ŭ inšuju krainu da taho času, pakul ŭsie palityčnyja viaźni, pryznanyja mižnarodnymi pravaabarončymi arhanizacyjami viaźniami sumleńnia, nia buduć vyzvalenyja i pakul režym nie prajavić vidavočnych prykmietaŭ svajoj prychilnaści i pavahi da pravoŭ čałavieka i viaršenstva zakona;
9. Vitaje rašeńnie Rady ad 28 lutaha 2012 hodu ab umacavańni abmiežavalnych zachadaŭ i ŭniasieńni 21 imionaŭ ludziej, adkaznych za represii suprać hramadzianskaj supolnaści i demakratyčnaj apazycyi ŭ Biełarusi, u śpis asob, jakim zabarony ŭjezd i aktyvy jakich zamarožanyja;
10. Zaklikaje Radu padvieści vyniki apošnich padziej u dyplamatyčnych dačynieńniach pamiž EZ i Biełaruśsiu i dalejšaha paharšeńnia sytuacyi ŭ halinie pravoŭ čałavieka i asnoŭnych svabodaŭ u krainie i, zychodziačy z hetaha, pryniać rašeńnie ab dalejšych abmiežavalnych mierach, u tym liku metavych ekanamičnych sankcyj;
11. Padkreślivaje, što Eŭrapiejski Źviaz i Biełaruś pavinny mieć dobrasusiedzkija dačynieńni, i što EZ maje rašuča padtrymlivać ščylnaje ŭzajemadziejańnie z pradstaŭnikami hramadzianskaj supolnaści i demakratyčnaj apazycyi ŭ Biełarusi i demakratyčnyja spadziavańni biełaruskaha narodu;
12. Znoŭ zaklikaje Kamisiju finansavymi i palityčnymi srodkami padtrymlivać namahańni biełaruskaj hramadzianskaj supolnaści, niezaležnych ŚMI (u tym liku TB Biełsat, Eŭrapiejskaje radyjo dla Biełarusi, radyjo Racja i inš) i niaŭradavyja arhanizacyi ŭ Biełarusi z metaj sadziejańnia demakratyi;
13. Padkreślivaje nieabchodnaść pašyreńnia supracoŭnictva pamiž EZ i jaho ŭschodnimi susiedziami ŭ ramkach Uschodniaha partnerstva, uklučajučy parlamenckaje vymiareńnie — Eŭranest — z ahulnaj metaj inicyjavańnia sapraŭdnaha pracesu demakratyzacyi ŭ Biełarusi;
14. Daručaje svajmu Staršyni davieści hetuju rezalucyju da viedama Rady, Kamisii, parlamentaŭ i ŭradaŭ dziaržaŭ-členaŭ, Hieneralnaha sakratara Arhanizacyi Abjadnanych Nacyj, Parlamenckaj Asamblei ABSE i Rady Eŭropy, Sakrataryjatu Sadružnaści Niezaležnych Dziaržaŭ i Parlamentu i Ŭradu Respubliki Biełaruś.
