17 sakavika žonka haładoŭnika Siarhieja Kavalenki Alena atrymała list z Departamenta pakarańniaŭ MUS, paviedamiła radyjo "Svaboda".
Pavodle hetaha lista, 14 sakavika Siarhiej Kavalenka byŭ abśledavanylekaram-psichijataram i ŭ jaho nibyta vyznačana strata adekvatnaha psychičnaha stanu.
Na hetaj padstavie, paviedamlajuć z Departamenta žoncy Siarhieja Kavalenki, jon budzie pieraviedzieny ŭ psichijatryčnuju balnicu dla akazańnia adpaviednaj dapamohi. Kali heta adbudziecca, nie paviedamlajecca.
Alena Kavalenka hetak prakamientavana list z Departamenta vykanańnia pakarańniaŭ:
«Atrymlivajecca, što spačatku jamu pačali niešta kałoć, mahčyma i psichatropnyja srodki, a zaraz adpraŭlajuć ŭ „Navinki“ nibyta na lačeńnie, a nasamreč ad ich možna čakać čaho zaŭhodna. Liču heta praciaham ździeku i katavańnia majho muža».
Taksama Alena Kavalenka paviedamiła, što pavodle advakata, jaki bačyŭsia ź Siarhiejem Kavalenkam 16 sakavika na Vaładarcy, u taho byŭ jasny rozum. «Advakat kazaŭ, što jon byŭ sapraŭdy słaby fizična, ale pavodziŭ siabie adekvatna, rozum ŭ jaho jasny», — kaža Alena Kavalenka.
Taksama, jak paviedamiŭ BiełaPAN sa spasyłkaj na Alenu Kavalenku, 16 sakavika Siarhieju prymusova pastavili kropielnicu, pryviazaŭšyda łožka. «Mnie nichto nie paviedamiŭ, što ŭ hetaj kropielnicy, jakija leki jamu ŭvodziać. Ja liču, što pryviazvańnie čałavieka da łožka i prymusovaja kropielnica - heta katavańnie», -- zajaviła Alena Kavalenka.
