Vyjšli novyja knihi, pryśviečanaja historyi Połacka.
Z pradmovy da knihi «Revizija Połackaha vajavodstva 1552 hoda»:
«Reviziju Połackaha vajavodstva 1552 hoda z poŭnym pravam možna zaličyć da histaryčnych pomnikaŭ, jakija naležnym čynam jašče nie acenienyja našaj navukaj. Spasyłki na Połackuju reviziju my sustrakajem nie tak časta navat u śpiecyjalnaj litaratury, pryśviečanaj historyi Biełarusi i Vialikaha Kniastva Litoŭskaha XVI stahodździa. Ciažka skazać, što stała tamu pryčynaj. Mahčyma, sprava ŭ tym, što reviziju zvyčajna razhladajuć jak krynicu pa sacyjalnaj i ekanamičnaj historyi. Moža być, pryčynaj tamu staŭ jaje rehijanalny charaktar. Adnak u rečaisnaści značeńnie Połackaj revizii zusim nie abmiažoŭvajecca pytańniami haspadarčaha žyćcia i sacyjalnaj struktury nasielnictva. Toje samaje možna skazać i pra rehijanalny charaktar apisańnia — niahledziačy na toje, što hałoŭnym abjektam uvahi revizoraŭ było, biezumoŭna, Połackaje vajavodstva, my znachodzim u revizii davoli šmat źviestak pa historyi inšych ziamiel Vialikaha Kniastva Litoŭskaha. Jość tut i materyjały, jakija datyčacca susiednich dziaržaŭ».
Z pradmovy da knihi «Kniha mahistrata miesta Połacka 1727 h.»:
Značeńnie Połacka dla historyi našaj krainy ciažka pieraacanić. U XV — XVIII stst. jon źjaŭlaŭsia adnym z bujniejšych miestaŭ nie tolki Biełarusi, ale i ŭsiaho Vialikaha kniastva Litoŭskaha. Historyja hetaha staražytnaha palityčnaha i ekanamičnaha centra paŭnočnaj Biełarusi ŭžo niekalki stahodździaŭ pryciahvaje ŭvahu daśledčykaŭ. Adnak, niahledziačy na značnuju kolkaść apublikavanych navukovych prac, možna ŭpeŭniena śćviardžać, što asobnyja pieryjady minułaha Połacka vyvučany niedastatkova. Adnym z faktaraŭ, jakija strymlivajuć raźvićcio daśledavańniaŭ pa historyi miesta pieršych troch čverciaŭ XVIII st., źjaŭlajecca toje, što dakumientalnaja spadčyna połackaha mahistrata hetaha času, niahledziačy na jaje adnosna dobruju zachavanaść, praktyčna nie publikavałasia i dahetul zastajecca pa-za ŭvahaj navukovaj hramadskaści.
Hladzi taksama: Pad štandaram Jevanhiella. Novy numar «ARCHE»
