Raniej niaźmienny arhanizatar usich «Basoviščaŭ» «Biełaruskaje abjadnańnie studentaŭ» u Polščy ŭpieršyniu z pačatku kryzisu vakoł fiestyvalu vystupiła z zajavaj, u jakoj paabiacała ŭznačalić padrychtoŭku da festu i pravieści jaho «na tym ža samym miescy i bieź nijakich źmienaŭ», piša Generation.by.
«Biełaruskaje abjadnańnie studentaŭ i nadalej zastajecca hałoŭnym arhanizataram fiestyvalu», — havorycca ŭ zvarocie biełaruskich studentaŭ Polščy, raźmieščanym na staroncy muzyčnaha festu ŭ Fejsbuk.
Adnak hetym razam u suviazi z «niapeŭnaściu, źviazanaj z dalejšym funkcyjanavańniem» BAS, i «składanaj situacyjaj vakoł našych hrašovych raźlikaŭ z orhanami dziaržaŭnaj ułady», da arhanizacyi dałučacca novyja ludzi.
Siarod inicyjatyvaŭ, što akazali «nieacennuju dapamohu ŭ rearhanizacyi», nazyvajucca dźvie biełastockija niaŭradavyja arhanizacyi: Pogotowie Kulturalno Społeczne («Kulturna-hramadzkaja chutkaja dapamoha») i Stowarzyszenie Kreatywne Podlasie (Tvorčaje tavarystva Padlašša).
«U hetym hodzie budziem supolna zarhanizoŭvać Fiestyval muzyki maładoj Biełarusi “Basovišča” na tym ža samym miescy i bieź nijakich źmienaŭ klimatu», — havorycca ŭ zajavie BAS.
Taki kamentar BAS — pieršy z času źjaŭleńnia ŭ ŚMI infarmacyi ab vierahodnym pravale arhanizacyi festu 2012 hodu. «Basovišča» akazałasia pad surjoznaj pahrozaj z-za rašeńnia polskich uładaŭ admović u padtrymcy jaho zasnavalnikam i tradycyjnym arhanizataram z-za chibaŭ ź finansavaj spravazdačnaściu.
Byŭ navat abvieščany konkurs na pošuk novaha arhanizatara. Adzinaj inicyjatyvaj, što padała zajaŭku na ŭdzieł u im, stała nievialikaja kulturnickaja arhanizacyja «Kulturna-hramadzkaja chutkaja dapamoha», što z 2007 hoda ładzić kancerty i inšyja kulturnyja imprezy ŭ Polščy. Infarmacyja ab hetym trapiła ŭ presu na minułym tydni.
Adnak BAS zajaŭlaje, što mienavita jano voźmie na siabie hałoŭnuju rolu ŭ arhanizacyi festu. Akramia hetaha novaabranaje kiraŭnictva abjadańnia pryznała chiby ŭ finansavaj spravazdačnaści papiarednich arhanizataraŭ i patłumačyła adsutnaść aficyjnaj pazicyi arhanizacyi vybarami hetaha samaha novaha kiraŭnictva.
Srodki na fest sioleta BAS budzie sprabavać zdabyvać ź inšych krynicaŭ: «My ŭziali ŭdzieł u niekalkich konkursach na atrymańnie hrantaŭ, z dapamohaj jakich my spadziajemsia sabrać srodki na arhanizacyju «Basovišča», — havorycca ŭ zajavie arhanizacyi. Raniej paviedamlałasia, što srodki na fiestyval raniejšyja fundatary ŭsio ž taki vyłučać, ale nie BAS, a treciaj arhanizacyi, jakoj, vierahodna, stanie «Kulturna-hramadzkaja chutkaja dapamoha». Apošniaja ŭ svaju čarhu ŭžo zajaviła ab supracy z Abjadnańniem studentaŭ.
Biełaruskaje abjadnańnie studentaŭ zaklikała dałučacca da jaho ŭ spravie arhanizacyi festu.
