«Ceły hod ja sprabavała ŭładkavacca na nastaŭnickuju pracu, pakul narešcie nie zrazumieła, što ŭ siońniašnich umovach šlach u škołu dla mianie zakryty, — skazała zvolnienaja letaś nastaŭnica historyi Natalla Iljinič. — Zarehistravałasia ŭ padatkovaj inśpiekcyi repietytaram. Zajmajusia sa školnikami z Asipovičaŭ, Marjinaj Horki, Minska. Klijentaŭ pakul nie šmat, ale vyžyć možna».
Natalla Iljinič pracavała nastaŭnicaj u škole ŭ vioscy Talka Puchavickaha rajona z 1985 hoda, jak pryjechała pa raźmierkavańni.
U studzieni 2011 ź joj nie praciahnuła kantrakt dyrektar škoły Natalla Mierkul.Spn. Iljinič zvalnieńnie źviazvaje sa svajoj hramadskaj pazicyjaj: u 2010 jana źbirała podpisy za kandydataŭ u prezidenty Ryhora Kastusiova i Alesia Michaleviča. 5 studzienia 2011 u jaje kvatery supracoŭniki KDB i MUS praviali pieratrus.
Paśla svajho zvalnieńnia žančyna pačała sudzicca. Prajšła ŭsie prystupki. Ale vynik akazaŭsia pradkazalnym — navat ź Viarchoŭnaha Suda na svaju kasacyjnuju skarhu nastaŭnica atrymała adkaz, što jaje zvalnieńnie było zakonnym.