Jeŭraparłamientar ad Litvy Justas Paleckis miarkuje, što rezalucyja, hałasavańnie pa jakoj było adkładziena z 15 sakavika, budzie pryniataja ź niekatorymi dapaŭnieńniami:
«U pryncypie, toje što padrychtavana ŭ Strasbury, mianiacca nie budzie. Dadasca tolki reakcyja na vykanańnie śmiarotnaha prysudu Dźmitryju Kanavałavu i Uładzisłavu Kavalovu. Budzie asudžacca i hety prysud, i toje, što Biełaruś prymianiaje śmiarotnuju karu. Taksama budzie reakcyja na toje, što apazicyjanieraŭ zatrymlivajuć na miažy. Tamu, kali raniej była nadzieja niešta palepšyć, to ciapier my bačym, što ničoha nie atrymałasia. Vidać, rezalucyja budzie davoli žorstkaj».
Pavodle Paleckisa, nadziei jeŭrapiejcaŭ nie spraŭdzilisia. Jon prakamientavaŭ zatrymańnie Anatola Labiedźki, Siarhieja Kalakina i Alaksandra Atroščankava:
«Nu što ž, heta eskałacyja. Heta razychodzicca z našymi prahnozami.I my, frakcyja sacyjalistaŭ i demakrataŭ, spadziavalisia, na niejkaje pieraadoleńnie kryzisu. Vidać, hetaha nie budzie u blizkaj budučyni. I heta, kaniečnie, kiepski sihnał pierad vybarami. I ŭsio ž chočacca spadziavacca, što kali nie adrazu, to praź niekatory čas buduć sproby viartańnia da dyjałohu. Ciapier jon praktyčna niemahčymy. Tut byli prapanovy pasłać u Minsk delehacyju parłamienta albo našaj delehacyi pa dačynieńniach ź Biełaruśsiu. Ale ŭ hetaj abstanoŭcy heta nie atrymlivajecca, kaniečnie».
Što da viartańnia pasłoŭ krain ES u Minsk, Paleckis skazaŭ, što hetaje pytańnie adkładvajecca na niapeŭny čas:«Była nadzieja, što budzie viartańnie i narmalizacyja, ale ciapier adkładvajecca». Parłamientar miarkuje, što biełaruskija pasły taksama viernucca ź jeŭrapiejskich krainaŭ u Biełaruś. «Nakolki mnie viadoma, takaja rekamiendacyja ŭžo zroblena», — skazaŭ Paleckis.
