13 sakavika Viktar Juščanka maje naviedać Žytomirskuju vobłaść Ukrainy, a 15-ha — adpravicca ź vizytam u Daniju.
Juščanka 6 sakavika zajaviŭ, što «praz tydzień u mianie budzie biełaruski prezydent», a jašče raniej abodva prezydenty damaŭlalisia na sustreču ŭ lutym.
Tymčasam u Kijevie vydatna ažyviłasia biełaruskaja apazycyja. 13 sakavika tut adbudziecca pres‑kanferencyja lideraŭ Abjadnanaj hramadzianskaj partyi Anatola Labiedźki i Jarasłava Ramančuka pad lozunham «Vosień patryjarcha», jakaja budzie pryśviačacca mienavita Łukašenku.
Z 14 pa 25 sakavika pradstaŭniki biełaruskaj i ŭkrainskaj apazycyi praviaduć festyval «Biełaruskaja viasna» — festyval prymierkavany da hadaviny prezydenckich vybaraŭ u Biełarusi. Padčas jaho pakažuć film Juryja Chaščavackaha «Płošča» dy praviaduć pikietavańnie pasolstva Biełarusi ŭ Kijevie.
25 sakavika ŭ stalicy Ukrainy projduć «spabornictvy pa łyžnym biehu na asfalcie na kubak Alaksandra Łukašenki — viadomaha prychilnika i papularyzatara hetaha mužnaha vidu sportu».