Deputaty Pałaty pradstaŭnikoŭ 2 krasavika ratyfikavali pahadnieńnie z Rasijaj ab umovachkupli-prodažu akcyj i dalejšaj dziejnaści TAA «Biełtranshaz», padpisanaje ŭ Maskvie 25 listapada 2011 hoda.
Jak paviedamiŭ pieršy namieśnik ministra enierhietyki Eduard Taŭpianiec, pryncypovym pytańniem u pieramovach pa pahadnieńni było toje, što Rasija nastojvała na jaho zaklučeńni biez pryviazki da ŭmoŭ pastaŭki hazu, adnak Biełaruś adstajała svoj punkt hledžańnia.
Taŭpianiec nahadaŭ, što pieramovy pa pahadnieńni praciahvalisia bolš za dzieviać miesiacaŭ. «Było źniata šerah pryncypovych roznahałośsiaŭ, na jakich raniej nastojvaŭ rasijski bok. Była dasiahnuta damoŭlenaść pra apłatu za astatnija 50% akcyj u pamiery 2,5 młrd. dołaraŭ ZŠA adnačasovym płaciažom da momantu pieradačy akcyj va ŭłasnaść „Hazproma“. Raniej rasijski bok nastojvaŭ na paetapnym pieraliku hrašovych srodkaŭ pa anałohii ź pieršym tranšam», — skazaŭ pieršy namieśnik ministra enierhietyki.
Jon taksama paviedamiŭ, što było pryniata ŭzhodnienaje rašeńnie pa pytańniach raźvićcia hazatranspartnaj sistemy dla arhanizacyi enierhietyčnaj biaśpieki Biełarusi.
U pryvatnaści, praduhledžana pašyreńnie da 2020 hoda padziemnych schoviščaŭ hazu Biełarusi da abjomu, roŭnaha siaredniamiesiačnamu spažyvańniu hazu.
Važnym momantam Taŭpianiec nazvaŭ i toj fakt, što «Biełtranshaz» zachavaje svaju
