Žychar Centralnaha rajona stalicy zapłaciŭ padachodny padatak pamieram 2,2 młrd. rubloŭ (275 tys. dalaraŭ). Pra heta paviedamiŭ siońnia načalnik inśpiekcyi Ministerstva pa padatkach i zborach pa Minsku Uładzimir Łajkoŭ na apieratyŭnaj naradzie ŭ Minharvykankamie.
«Heta samy vialiki vypłačany padachodny padatak pa horadzie z dachodu ŭ 21 młrd. rubloŭ», — adznačyŭ jon i nahadaŭ, što kampanija pa dekłaravańni dachodaŭ prachodziła ŭ krainie z 1 studzienia pa 1 sakavika.
Usiaho ŭ padatkovuju inśpiekcyju stalicy padali 8.592 dekłaracyi pa padachodnym padatku ź fizičnych asob, što na čverć bolš u paraŭnańni z anałahičnym pieryjadam minułaha hoda. Suma da dapłaty pa vynikach pieraraźliku padachodnaha padatku pa dekłaracyjach skłała 20 młrd. rubloŭ.
0
0
0
0
0
0
