Antykryzisny fond JeŭrAzES nastojvaje na bolš žorstkaj biełaruskaj stabilizacyjnaj prahramie, uzhodnienaj bakami ŭ 2011 hodzie. Pra heta paviedamiła staršynia praŭleńnia Nacyjanalnaha banka Nadzieja Jermakova 4 krasavika napres-kanfierencyi ŭ Raŭbičach.
«Jany ad nas chočuć, kab my prahramu minułaha hoda zrabili bolš žorstkaj najpierš z punktu hledžańnia abjomu zołatavalutnych reziervaŭ. Havorka idzie nie pra dvuch-, a trochmiesiačny zapas, a taksama z punktu hledžańnia pryvatyzacyi», — patłumačyła Jermakova.
Pavodle jaje słoŭ, «siońnia, zychodziačy z abjomu zołatavalutnych reziervaŭ, vostraj nieabchodnaści ŭ atrymańni dadatkovych 440 młn. dołaraŭ (treci tranš kredytu AKF JeŭrAzES. — BiełaPAN.) niama».
Kiraŭnik Nacbanka miarkuje, što ŭładam Biełarusi ŭdasca damovicca z Antykryzisnym fondam JeŭrAzES ab atrymańni čarhovych tranšaŭ kredytaŭ.
«Ekśpierty fondu na nastupnym tydni pryjazdžajuć u Biełaruś, praca budzie praciahvacca. Spadziajusia, my znojdziem ahulnuju movu i rana ci pozna, ale atrymajem dva tranšy da kanca hetaha hoda», — skazała Nadzieja Jermakova.
***
Nahadajem, u červieni 2011 hoda saviet Antykryzisnaha fondu JeŭrAzES uchvaliŭ vydzialeńnie Biełarusi kredytu ŭ 3 młrd. dołaraŭ ZŠA na padtrymku stabilizacyjnaj prahramy ŭrada krainy. U tym ža hodzie ŭ Biełaruś pastupili dva tranšy kredytu — na 800 młn. i 440 młn. dołaraŭ. U adpaviednaści z zaćvierdžanym raniej płanam treci tranš na 440 młn. dołaraŭ pavinien byŭ pastupić nie paźniej za 28 lutaha 2012 hoda, ale hetaha nie adbyłosia.
2 krasavika pačaŭsia čarhovy raŭnd kansultacyj pamiž pradstaŭnikami Biełarusi i Jeŭrazijskaha banka raźvićcia (JEABR), jaki źjaŭlajecca kiraŭnikom srodkami Antykryzisnaha fondu JeŭrAzES. Pieramovy prachodziać u Ałmaty, dzie raźmieščany ofis JEABR. «Asnoŭnaj metaj kansultacyj źjaŭlałasia abmierkavańnie najaŭnych tendencyj u ekanomicy, namieraŭ urada Respubliki Biełaruś pa pradaŭžeńni stabilizacyi», — paviedamiŭ sajt JEABR. Pieramovy tyčacca abnaŭleńnia stabilizacyjnaj prahramy biełaruskaha ŭrada, jakaja padtrymlivajecca kredytam Antykryzisnaha fondu.
JEABR «z zadavalnieńniem adznačyŭ, što bolš žorstkaja
Razam z tym pradstaŭniki JEABR miarkujuć, što «ryzyki adnaŭleńnia niehatyŭnych tendencyj, što naziralisia da ŭnifikacyi valutnaha kursu ŭ kastryčniku 2011 hoda, usio jašče zachoŭvajucca».
«Najvažniejšymi faktarami stabilizacyi pavinny zastavacca žorstkaja
