U časie pahromaŭ paśla Płoščy pieratrusy prajšli i ŭ Anatola Labiedźki. Sam Labiedźka ŭ tym śniežni
«Pryjšoŭ u padatkovuju! Akazałasia, što paśla pravierki, učynienaj u dačynieńni da mianie za 17 hadoŭ, praviedziena paŭtornaja pravierka papiaredniaj pravierki, — napisaŭ na svajoj staroncy ŭ Fejsbuku lider AHP Anatol Labiedźka. — Takoj uvazie mohuć pazajzdrościć mnohija. Da prykładu, syny kiraŭnika dziaržavy, ministr finansaŭ, staršynia Viarchoŭnaha suda, biznesmen, jaki hraje ŭ chakiej ź pieršym chakieistam krainy, złodziej u zakonie».
Pravierku pravodzić padatkovaja inśpiekcyja Centralnaha rajona Minska. «Da supracoŭnikaŭ inśpiekcyi ŭ mianie nijakich pytańniaŭ niama. Ale ŭ jakaści majho dachodu ŭspłyli hrošy, kanfiskavanyja ŭ mianie padčas śniežańskaha pieratrusu ŭ majoj kvatery — heta bolš za 10 tysiač dalaraŭ. Jość rašeńnie śledčaj hrupy pa spynieńni kryminalnaha pieraśledu ŭ dačynieńni da mianie. Asobnym punktam staić: viarnuć rečy i hrošy, kanfiskavanyja ŭ mianie. Viarnuli ŭsio, akramia maich sšytkaŭ i hrošaj, choć usie razumnyja terminy prajšli. Ale sprava nie ŭ hetym: farmalna pravierku viadzie padatkovaja inśpiekcyja, a kiruje pracesam KDB», — kaža Labiedźka.
U svoj čas padatkaviki pravieryli palityka za 17 hadoŭ — heta była «dastatkova hłybokaja, padrabiaznaja pravierka: apłata telefonaŭ, apłata kvatery, maje pajezdki, kvitki i hetak dalej».
I voś novaja pravierka, usich členaŭ siamji. «My pavinny dać spravazdaču za 125 miljonaŭ rubloŭ za try apošnija hady. U nas, u pryncypie, usio narmalna, dachodaŭ chapaje, ale pastanoŭka pytańnia napružvaje: treba biehać, źbirać papierki… U dachody syna, darečy, uklučanaja minimalnaja spažyvieckaja karzina, apłata vučoby», — adznačaje Labiedźka.
Palityk iranična zaŭvažaje: «Kali b pad takim kantrolem, jak my, znachodzilisia čynoŭniki, ministry, ludzi ŭ pahonach — nijakaj karupcyi ŭ nas u krainie
