Biełaruś u adkaz na sankcyi ES asłablaje achovu miažy 47

Va ŭmovach sankcyj z boku Jeŭrapiejskaha sajuza Biełaruś pierahladaje svaje padychody da arhanizacyi achovy miažy z krainami ES.

Jak paviedamiła krynica ŭ Dziaržaŭnym pahraničnym kamitecie, uličvajučy ciapierašniuju situacyju i zychodziačy sa svaich mahčymaściaŭ, biełaruskaje pahranviedamstva pierachodzić da ažyćciaŭleńnia achovy miažy (kantrabanda, nielehalnaja mihracyja i hetak dalej) pa takim ža pryncypie, jakim kirujucca krainy-susiedzi.

Havorka idzie ab tym, što pryjarytet budzie addadzieny kantrolu za ŭjezdam u Biełaruś, tady jak raniej namahańni pa zabieśpiačeńni pahraničnaj biaśpieki na ŭjezd i vyjezd byli raźmierkavanyja raŭnamierna.

Užo ciapier viadoma, što dla ŭzmacnieńnia achovy ŭčastka miažy z Ukrainaj, z metaj praduchileńnia kantrabandy i napiaredadni futbolnaha čempijanatu «Jeŭra-2012» tudy pierakidvajecca častka sił i srodkaŭ orhanaŭ pahransłužby z zachodniaha i paŭnočna-zachodniaha ŭčastkaŭ miažy.

«Takuju reč, jak miaža, palityzavać niebiaśpiečna, ale ciapier nas pastavili ŭ takija ŭmovy. Lubyja sankcyi ŭ pieršuju čarhu adbivajucca na miažy. Raniej my vielmi šmat pracy rabili za našych zachodnich kalehaŭ, jakija dazvalajuć sabie bajkatavać.

Časta jany tolki atrymlivali ad nas infarmacyju ab tym, što my kahości nie prapuścili, praduchilili ŭvoz na ich terytoryju čahości. Z sankcyjami jany trapili ŭ svaju ž pastku. Tamu što ciapier pytańni biaśpieki miažy pryjdziecca pierahladać z ulikam našych realnych mahčymaściaŭ i pracavać, jak pracujuć jany, — na ŭjezd. Pry hetym, zrazumieła, svaje pytańni biaśpieki na miažy na vyjezd z krainy pahranviedamstva budzie zabiaśpiečvać u poŭnym abjomie», — zajaviła krynica ŭ pahranviedamstvie Biełarusi.

Surazmoŭca ahienctva taksama padkreśliŭ, što mienavita ŭ krainach-susiedkach stvorany takija ŭmovy i mahčymaści, dziakujučy jakim «cikavaja» kantrabanda ź Biełarusi, — naprykład paliva i tytuniovych vyrabaŭ.

Sistema, što z savieckich časoŭ dziejničaje na polskim učastku miažy, daŭno vyčarpała svaje resursy i patrabuje zamieny na bolš sučasnuju, adznačyŭ surazmoŭca.

Tolki na jaje ŭtrymańnie ŭ hod raschodujecca 3 młrd. rubloŭ. Pry hetym kamplektujučych da takoj sistemy daŭno nie vyrablajecca. Choć, pavodle słoŭ surazmoŭcy ahienctva, polski bok heta šmatprofilnaja ešałanavanaja sistema vielmi zadavalniaje.

Sama ž Polšča na miažy ź Biełaruśsiu maje tolki «lohkuju» sistemu achovy.

Varta adznačyć, što biazdrotavaja sistema achovy na miažy ź Litvoj i Łatvijaj daje taki samy efiekt, jak ešełaniravanaja — na miažy z Polščaj. Tamu «asłableńnie» režymu nie pavinna adbicca na intaresach Biełarusi.

Inšaje pytańnie, što ŭschodniaja miaža Biełarusi zastajecca adkrytaj, u ramkach damovaŭ z Rasijaj. Miž tym kryminał, nielehalnyja mihranty, narkotyki i nielehalnyja hruzy traplajuć u Biełaruś najpierš z uschodu.

Źmiena režymu achovy zachodniaj i paŭnočna-zachodniaj miežaŭ nijak na tym nie adabjecca.

BiełaPAN; MB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH