U Minsku zatrymali dziaŭčynu Dyjanava 19

«Vorah rejcha numar 1» Viačasłaŭ Dyjanaŭ i jahonaja dziaŭčyna Marharyta Łavyšyk.

Siońnia kala 12-j hadziny na zdymnaj kvatery była zatrymanaja dziaŭčyna kaardynatara supołki «Revalucyja praz sacyjalnyja sietki» Viačasłava Dyjanava Marharyta Łavyšyk, paviedamlaje pres-sakratar supołki Uładzimir Kumiec.

Heta adbyłosia za niekalki dzion da jaje adjezdu ŭ Polšču.

Jana była zatrymanaja padčas razmovy sa svaim chłopcam u skajpie. Praź mikrafon było čutno, što ŭ kvateru zachodzić milicyja.

Pa słovach Kumca, asabistyja dadzienyja dziaŭčyny nidzie nie publikavalisia. U sacsietcy jany vykarystoŭvała vydumanaje imia i fota.

Sam Dyjanaŭ u Fejsbuku nazvaŭ zatrymańnie «asabistaj pomstaj jamu».

Razam z Marharytaj zatrymali jaje siabroŭku Kryścinu.

Ciapier skajp Marharyty nie aktyŭny. Telefony dziaŭčyny i jaje susiedki pa kvatery adklučany.

0

0

0

0

0

0

Aksana Rudovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH