Adnoj z pryčyn nizkaha ŭzroŭniu naradžalnaści ŭ Biełarusi možna nazvać vysoki ŭzrovień adukacyi, kvalifikacyi i zaniataści sučasnych žančyn, zajaviła 18 krasavika na
Jana adznačyła, što siarod nasielnictva, jakoje maje vyšejšy ŭzrovień adukacyi, 57% składajuć žančyny, a siarod śpiecyjalistaŭ vyšejšaj kvalifikacyi ich 69%.
Niahledziačy na toje, što ahulny kaeficyjent naradžalnaści ŭ krainie pavialičyŭsia na adnu dziasiatuju (u lidarach Bresckaja vobłaść, na apošnim miescy — Viciebskaja), hetaha ŭsio roŭna niedastatkova dla prostaha ŭznaŭleńnia nasielnictva.
«Rost naradžalnaści abumoŭleny vialikaj kolkaściu žančyn ŭ dzietarodnym uzroście i kolkaściu paŭtornych naradžeńniaŭ. U 2011 hodzie pałova z usich narodžanych u Biełarusi dziaciej stali druhimi abo trecimi ŭ siamji. Siarod rehijonaŭ krainy pa naradžeńni treciaha i čaćviortaha dziciaci lidziruje Bresckaja vobłaść, druhoje dzicia čaściej za ŭsio naradžajecca ŭ Minsku», — paviedamiła Kucharevič.
Pavodle jaje słoŭ, za apošnija 11 hadoŭ u krainie značna pamienšyłasia kolkaść abortaŭ. «Kali ŭ 2000 hodzie na tysiaču žančyn va ŭzroście 15–49 hadoŭ prypadała 46,2 vypadku, to ciapier — 13,2», — skazała Kucharevič.
