Biełaruś 13 krasavika 2012 hoda ŭ metach vykanańnia svaich abaviazacielstvaŭ pa kredyciestand-by MVF ažyćciaviła pieršaje pahašeńnie asnoŭnaha doŭhu ŭ pamiery 64,7 młn. SDR, što ekvivalentna 99,8 młn. dołaraŭ ZŠA, paviedamiła Ministerstva finansaŭ.
Nahadajem, u 2009–2010 hadach Biełaruś atrymała piać tranšaŭ kredytu MVF pa prahramie. Ahulnaja suma srodkaŭ, vydzielenych fondam u miežach stabilizacyjnaj prahramy, skłała kala 3,46 młrd. dołaraŭ.
U 2012 hodzie na pahašeńnie i absłuhoŭvańnie źniešniaha doŭhu Biełarusi pavinna być vydzielena 1,631 młrd. dołaraŭ. Samyja bujnyja płaciažy pavinny być skiravanyja na pahašeńnie kredytaŭ MVF — 562,91 młn. dołaraŭ.
Pa stanie na 1 sakavika 2012 hoda źniešni dziarždoŭh skłaŭ 11,9 młrd. dołaraŭ ZŠA. Za 2011 hod źniešni dziaržaŭny doŭh Biełarusi ŭzros na 2,3 młrd. dołaraŭ ZŠA, abo na 24,4%. Jaho rost byŭ zabiaśpiečany pryciahnieńniem niaźviazanych kredytnych resursaŭ dla papaŭnieńnia zołatavalutnych reziervaŭ: ablihacyi na mižnarodnym finansavym rynku (800 młn. dołaraŭ); kredyt Antykryzisnaha fondu JeŭrAzES (1 młrd. 240 młn. dołaraŭ).
Pavodle acenak Minfina, na kaniec 2012 hoda źniešni dziarždoŭh moža ŭzraści da 14 młrd. dołaraŭ.
