Alaksandr Łukašenka 19 krasavika ŭznaharodziŭ ordenami i miedalami šerah hramadzian — «za šmathadovuju plonnuju pracu, dasiahnieńnie vysokich vytvorčych pakazčykaŭ, vialiki asabisty ŭniosak va ŭdaskanaleńnie pravavoj sistemy krainy, uzornaje vykanańnie słužbovych abaviazkaŭ, zasłuhi ŭ voinskaj słužbie, raźvićci achovy zdaroŭja, sacyjalnaj abarony nasielnictva, enierhietyčnaj sistemy, navuki, kultury, adukacyi, śfiery absłuhoŭvańnia i sportu».
U pryvatnaści, ordenam Pašany ŭznaharodžany hienieralny dyrektar VA «BiełaŭtaMAZ» — hienieralny dyrektar AAT «Minski aŭtamabilny zavod» Alaksandr Baroŭski, staršynia pastajannaj kamisii Savieta Respubliki Nacyjanalnaha schodu pa mižnarodnych spravach i nacyjanalnaj biaśpiecy Nina Mazaj, sudździa Kanstytucyjnaha suda Valancina Padhruša.
Ordenam Francyska Skaryny adznačana staršynia pastajannaj kamisii Savieta Respubliki pa adukacyi, navucy, kultury i sacyjalnym raźvićci Antanina Morava.
Dziaržaŭnymi ŭznaharodami «roznaj vartaści» adznačany rabotniki pramysłovaści, sielskaj haspadarki, miedycyny, śfiery adukacyi, kultury, sportu.