Pry hetym tralejbusy ŭ słaŭnym horadzie, jak i raniej, chodziać spraŭna, babrujskija tralejbuśniki zaŭsiody demanstravali dobruju pracu, hodny ŭzrovień absłuhoŭvańnia, ci nie samy lepšy ŭ krainie. Adnak užo paru tydniaŭ infarmacyja ŭ tralejbusach abviaščajecca pa-rusku.
Z momantu ŭkaranieńnia abviaščeńnia prypynkaŭ radyjoinfarmataram niekalki hadoŭ tamu, tralejbusy samaha, badaj, rusifikavanaha horada Biełarusi «razmaŭlali pa-biełarusku».
I voś, da Vialikadnia babrujčanie atrymali «padarunak», vidavočna źviazany z radźkoŭskimi cyrkularami. Pry hetym, stračana nie tolki mova, ale i śpiecyfičny babrujski kałaryt, luboŭna ŭkładzieny ŭ abviestki minułaj, biełaruskaj, redakcyi. Uzdymała nastroj, palapšała pajezdku, kali čuŭ takija frazy, źjintanavanyja nie biez humaru, pryjaźni, nieviadomaj žančynaj z pryjemnym hołasam — «Sumleńnie — lepšy kantralor», «Pavaha — lepšy padarunak» ci absalutna babrujskaje, z daścipnaściu i pazityŭnaj prezumpcyjaj: «Kab paźbiehnuć niepryjemnaj sustrečy z kantraloram, praviercie, ci nie zapamiatavali Vy apłacić prajezd» (sic!).
Zaraz usio sucha, bieź liryčnych adchileńniaŭ, nie vielmi pastaŭlenym hołasam biez anijakaha ŭjaŭleńnia pra kulturu maŭleńnia i na «opščapaniatnam». I heta taksama całkam pa-babrujsku, na žal… Čarha za aŭtobusami, vidać…
Čas zakidać babrujskich transpartnikaŭ i ŭłady skarhami.
UKPP «Babrujskaje tralejbusnaje ŭpraŭleńnie»
213822 h. Babrujsk, Minskaja šaša, 144
Teł. (0225) 43 44 30, 43-23-16.
Faks (0225) 43 44 40
