22 krasavika ŭ Słonimie miascovyja futbolnyja syšlisia ścienka na ścienku z fanatami z Hrodna, paviedamlaje «Hazieta Słonimskaja».
Batalija, u jakoj udzielničali z abodvuch bakoŭ kala 60 čałaviek, doŭžyłasia, jak adznačajuć śviedki, nie bolš za 10 chvilin. Na miescy paboišča zastaŭsia lažać akryvaŭleny junak, jakoha potym padabrała kareta chutkaj dapamohi.
Voś što pra heta raspaviadajuć śviedki. Miascovaja žycharka hadoŭ šaścidziesiaci kaža, što jana čakała na prypynku «Płošča Lenina» maršrutny aŭtobus, kali da miesca padyšła hrupa aktyŭnych maładych ludziej, čałaviek tryccać. Jany niešta kryčali i ŭskidvaŭ ruki ŭvierch. Usich, chto byŭ na prypynku, prahnali. Žančynu vyšturchali sa słovami: «Idzi, babula, ciapier tut budzie horača».
Pa słovach inšaha śviedki, mužčyny, z boku centra horada da prypynku padyšła jašče adzin ahresiŭna nastrojeny natoŭp. U niekatorych z chłopcaŭ na tvary byli naciahnutyja maski. I zatym, pa słovach mužčyny, prosta na prajeznaj častcy płoščy Lenina pačałasia bojka. Taho, chto padaŭ, miasili nahami.
Nieŭzabavie źjavilisia pieršyja narady milicyi. Ubačyŭšy ich, udzielniki bojki raźbiehlisia ŭ roznyja baki, akramia adnaho skryvaŭlenaha chłopca, jaki zastaŭsia lažać na asfalcie.
Takim voś čynam fanaty adznačyli pačatak čarhovaha futbolnaha siezona. U toj dzień u Słonimie adbyŭsia matč pamiž kamandami słonimskaha «Kamunalnika» i hrodzienskaha «Biełkarda». Pieramahli słonimskija futbalisty ź likam 2:1.
Paśla zakančeńnia matču miascovyja milicyjanty ŭziali hrupu słonimskich fanataŭ pad kanvoj i na vychadzie sa stadyjona kožnaha ź ich źviarali z vyjavaj udzielnikaŭ bojki na manitory kampjutara. Jak vyśvietliłasia, mnohija śviedki rukapašnaj sutyčki zdymali toje, što adbyvajecca na telefony i adzin z apierataraŭ svoj videarolik pieradaŭ milicyi. U vyniku dla vyśviatleńnia abstavinaŭ byli zatrymanyja niekalki dziasiatkaŭ maładych ludziej.
Nahadajem, što 21 krasavika ŭ Kobrynie taksama adbyłasia masavaja bojka zaŭjataraŭ. U paboiščy na hulni 1-j lihi pamiž futbolnymi kłubami «Biaroza — 2010» i «Haradzieja» ŭdzielničali kala paŭsotni čałaviek.
