Palitviazień Alaksandr Franckievič, jakoha asudzili pa adnoj spravie ź Mikałajem Dziadkom, vykazaŭsia ŭ liście z-za krataŭ pra situacyju vakoł apošniaha. Alaksandr ličyć, što
ad Mikałaja praź cisk patrabujuć jaki-niebudź kampramat, a taksama chočuć jaho «maralna razdušyć».
Jon nie vyklučaje, što vynikam nieadnarazovaha naviedvańnia Dziadka supracoŭnikami HUBAZ moža źjavicca praciah prapahandysckaha videa «Anarchija. Pramoje dziejańnie». Taki cisk moža być źviazany i z tym, što Dziadka rychtujucca vypuścić na svabodu.
7 krasavika Mikałaja Dziadka pieraviali z Mahiloŭskaj kałonii ŭ Škłoŭ. Pry hetym rodnym palitviaźnia tak i nie paviedamili pračyny pieravodu. Na minułym tydni stała viadoma, što maładoha čałavieka adrazu paśla etapa źmiaścili nie ŭ karancin, a ŭ ŠIZA na 10 sutak. A potym jašče na troje. Ciapier Mikałaja pieraviali ŭ atrad. Jaho pazbavili spatkańnia z maci, zapłanavanaha na 16 krasavika.
Mikałaja Dziadka asudzili na 4,5 hady kałonii, Alaksandra Franckieviča na 3 hady pa spravie minskich anarchistaŭ.
Mikałaju možna napisać list pa adrasie:
213004, Mahiloŭskaja vobł., h.Škłoŭ, papraŭčaja kałonija № 17.
Alaksandru —
225295 Bresckaja vobł., h. Ivacevičy, «Voŭčyja nory», a/s 20, papraŭčaja kałonija № 22.
