U niadzielu adbyŭsia pieršy tur prezidenckich vybaraŭ u Francyi.Pradstaŭnik Sacyjalistyčnaj partyi Fransua Aland atrymaŭ 28,6% hałasoŭ, staŭšy lideram pieradvybarčaj honki. Dziejny prezident Nikala Sarkazi maje za saboj usiaho na paŭtara pracenta mieniej. Treciaje miesca zajmaje novaja kiraŭnica «Nacyjanalnaha Frontu» Maryna Lo Pien — za jaje prahałasavała 18% vybarcaŭ. Sarkazi — pieršy ŭ historyi V Respubliki prezident, jaki sastupiŭ u pieršym tury ŭ časie baraćby za druhi termin.
U časie svajho prezidenctva i pieradvybarčaj kampanii Sarkazi pazicyjanavaŭ siabie jak mocnaha lidera, na jakoha možna abapiercisia ŭ časy ekanamičnaha kryzisu, a taksama jakomu možna davieryć biaśpieku i raźvićcio krainy.I navat svaju siońniašniuju niepapularnaść Sarkazi abhruntoŭvaje tym, što byŭ vymušany prymać niepapularnyja rašeńni, kab zabiaśpiečyć moc Francyi. Jak kaža sam Sarkazi, jon pracuje dziela Francyi «ranicaj, dniom i nočču». Adnak mierkavańnie pra jaho zvyčajnych francuzaŭ nie samaje lepšaje. Doŭhi čas u Francyi byŭ papularny žart: Sarkazi kiruje samalotam i pieradaje paviedamleńnie z kabiny: «Maju dobruju navinu: my prylacieli raniej pryznačanaha času. I drennuju: ja sabie navat nie ujaŭlaju, dzie my znachodzimsia».
Kampanija hałoŭnaha apanienta Nikala Sarkazi, Fransua Alanda pabudavanaja vyklučna na supraćpastaŭleńni siabie z Sarkazi.Kali Nikala Sarkazi viadomy jak hipieraktyŭny aratar (albo ehaistyčny demahoh, jak na dumku apazicyi), to Fransua Aland na sustrečach ź ludźmi słuchaje i zapisvaje ŭ natatnik. Kali Nikala Sarkazi katajecca na jachcie svaich bahatych siabroŭ, to Fransua Aland jeździć pa pryharadach Paryžu na skutery. Kali Nikala Sarkazi nazyvajuć «prezidentam bahatych», to Fransua Aland ščyra zajaŭlaje, što «jon nie lubić bahatych».
Sam Fransua Aland pieršapačatkova nie płanavaŭsia na rolu kandydata Sacyjalistyčnaj partyi. Hetaje miesca mieŭ zaniać tahačasny staršynia Mižnarodnaha valutnaha fondu Daminik
Fransua Aland ŭ francuzskich palityčnych kołach maje mianušku «Flenbi» (marka karamielnaha pudynhu) za svaju miakkaść.Fransua Aland nikoli nie zajmaŭ navat ministerskaj pasady, ale užo nieŭzabavie moža stać prezidentam.
Kali Nikala Sarkazi časta krytykujuć jahonyja palityčnyja apanienty za papulizm, to naŭrad ci možna skazać, što Fransua Aland čymści roźnicca.Miž inšym, Aland abiacaje ŭ časie svajho prezidenctva raspačać vajnu sa «śvietam finansaŭ», nibyta heta jon vinavaty ŭ ekanamičnym kryzisie Jeŭropy. Taksama Fransua Aland abiacaje źnizić piensijny uzrost da 60 hadoŭ, jak było da reformy Sarkazi. Toje, jakuju škodu heta niasie dla finansavaj stabilnaści Francyi Sacyjalistyčnuju partyju mała cikavić — hałasy pakul važniejšyja.
Admietny vynik Nacyjanalnaha frontu, jaki na patreby pieradvybarčaj kampanii pravioŭ nievialički rebrendynh.Maryna Lo Pien sprabuje pazbavić Nacyjanalny Front fašystoŭskaha adcieńnia i zrabić jaho bolš pradstaŭničym: ź jejnych vusnaŭ usio radziej čuvać słovy ab isłamizacyi Jeŭropy i usio bolš ab sacyjalnych prablemach. Daśledavańni, praviedzienyja dla Le Monde, pakazali, što Maryn Le Pien źjaŭlajecca najbolš papularnym kandydatam siarod moładzi ad 18 da 24 hadoŭ, što časta tłumačycca radykalnaściu i antysistemnaściu Nacyjanalnaha frontu.
Varta nahadać, što nastupny tur prezidenckich vybaraŭ u Francyi adbudziecca 6 maja.Usie zandažy vyhladajuć aptymistyčnymi dla Fransua Alanda, jakomu, adnak, nie varta dumać, što Jelisiejski pałac užo naležyć jamu. Bo Nikala Sarkazi zdavacca nie źbirajecca.
0
0
0
0
0
0
