U Łojevie na haradskich jaŭrejskich mohiłkach raskapany dźvie mahiły. Pa hetym fakcie Łojeŭskim rajonnym adździełam Śledčaha kamiteta raspačata sprava pa č. 1 art. 347 Kryminalnaha kodeksa (ździek nad trupam abo mahiłaj).
Jak paviedamiła hałoŭny inśpiektar hrupy infarmacyi i suviazi z hramadskaściu ŭpraŭleńnia Śledčaha kamiteta pa Homielskaj vobłaści Maryja Kryvanohava, adna z mahił była raskapana da astankaŭ, druhaja častkova. Fakt ździeku nad mahiłami byŭ vyjaŭleny napiaredadni Radaŭnicy, 23 krasavika, svajakom adnaho z pachavanych, jaki pryjšoŭ na mohiłki prybrać mahiłu.
Va ŭčynieńni hetaha złačynstva padazrajucca dva niepracujučyja žychary Łojeva, jakija viaduć antysacyjalny ład žyćcia: žančyna 1957 hoda naradžeńnia i mužčyna 1960 hoda naradžeńnia.
Padazronyja zatrymany i źmieščany ŭ IČU.Pa asnoŭnaj viersii śledstva, meta raskopak — kaštoŭnyja vyraby, jakija padazronyja płanavali znajści na astankach pachavanych.
Ź miesca złačynstva kanfiskavany dźvie rydloŭki, palčatki, mužčynskaje adzieńnie, pakryvała, piać pustych butelek
