Vykarmili aliharchi pacučka.
Miedźviaputy.
Prezident i premjer. Dakładniej, užo premjer i prezident.
Łukašenka, jakim jaho bačyć Łapacin, jak nie z hetaha śvietu.
A heta «Benłavija». Malunak byŭ zrobleny dla biełaruskaj haziety «Navinki».
Žyrynoŭski — rasijski palityk-papulist.
Žalezny Fieliks.
Baron i metr saviecka-rasijskaj kinarežysury Mikita Michałkoŭ.
2-mietrovaha aliharcha z Rasii adrazu zaŭvažyli na harnałyžnym kurorcie ŭ Kurševeli.
Za rulom «Bentli» u rasiejskaj hłybincy.
Vystava karykaturysta Łapacina ŭ zonie.
26 krasavika ŭ Pietrapaŭłaŭsku-Kamčackim — horadzie na krajnim uschodzie Rasii — adkryłasia vystava 34-hadovaha mastaka-karykaturysta Dzianisa Łapacina. Pierad adkryćciom Dzianis vyjaviŭ, što z ekspazicyi źnikła 6 prac, zbolšaha karykatury Miadźviedzieva i Pucina. Źnik i malunak aliharchaŭ z pacučkom, u jakim dyrektarka muzieja paznała viadomaha piersanaža.
U krasaviku 2011 hoda Dzianis Łapacin paŭdzielničaŭ u suśvietnym konkursie karykaturystaŭ u sacyjalnaj sietcy Fejsbuk i adrazu sarvaŭ Hran-pry.
Paśla hetaha ŭ tym samym 2011-m jon staŭ dypłamantam adrazu dvuch bujnych mižnarodnych konkursaŭ karykatury — u Hiermanii j Partuhalii. Pryčym partuhalski «World Press Cartoon» ličycca samym prestyžnym u śviecie forumam majstroŭ šaržu i karykatury. Raniej nichto z rasiejskich mastakoŭ ničoha na im nie vyjhravaŭ.
Dzianis Łapacin naradziŭsia na Kamčatcy. Miž tym
adukacyju jon atrymaŭ u Minsku. Jon raskazvaje, što i ŭ Minskim architekturna-budaŭničym technikumie, i ŭ Biełaruskim univiersitecie kultury jaho ŭvieś čas paprakali, što jon zajmajecca čymści niesurjoznym.«A ja z samaha dziacinstva ja maluju roznyja śmiešnyja malunki.
Usie ličyli, što heta bzdura, a voś kłasičnaje malavańnie, hrafika — heta toje, što treba. Heta značyć, pastajanna mnie zabaraniali, i ŭ dziciačaj mastackaj škole taksama».
U Minsku Łapacin supracoŭničaŭ z anarchisckim biełaruskamoŭnym vydańniem «Navinki».
Dzianis pačaŭ publikavacca ŭ kamčackich hazietach u 2002 hodzie, paśla taho jak viarnuŭsia z vučoby ź Biełarusi.
Hety cybaty junak z adkrytym i ścipłym pozirkam chutka zavajavaŭ sercy čytačoŭ.Kamčackija čytačy čakali kožny numar haziety, kab ubačyć čarhovuju karykaturu Dzianisa.
Maluje Dzianis na papiery, nie na kampjutary. Aŭtarytetami ŭ svaim žanry jon nazyvaje amierykanca Džejsana Sejlera, šviejcarca Albiera Ruso, niemcaŭ Siebastjana Kruhiera, Kurta Džonsa, anhielcaŭ Poła Nojza i Rodni Pajka, kitajca Žu Czi Czuna, kanadku Daminiku Fildert. Łapacin maluje intelektualnyja karykatury, vostrasacyjalnyja, krytyčnyja — nie chichańki-chachańki.