Na ŭsich pamiežnych pierachodach pamiž Biełaruśsiu i Litvoj, u tym liku na samym bujnym — «Kamienny Łoh — Miedzininkaj», źnikli čerhi lehkavych aŭtamabilaŭ.
Na miažy z abodvuch bakoŭ stajać pa 10–20 lehkavušak, paviedamili ŭ Dziaržaŭnym pamiežnym kamitecie Biełarusi.
A voś čerhi hruzavych aŭto dahetul jość. Na kožnym z čatyroch pamiežnych pierachodaŭ ź Litvoju ciapier stajać ad 320 da 220 mašyn.
«My prahnazujem, što pačynajučy z 12 hadzin dnia minskaha času, nivodny hruzavy aŭtamabil nie budzie stajać u čarzie bolš za 4 hadziny», — paviedamiła pres-ataše Mytnaha departamienta Litvy Hintara Vitkoŭskajcie.
Dla paraŭnańnia: na miažy z Polščaj — na troch pierachodach čerhaŭ naahuł niama, jašče na troch — stajać pa 100 hruzavych aŭto; na miažy z Łatvijaj, dzie z-za ramontu pracuje tolki adzin pierachod, ciapier 150 hruzavikoŭ.
0
0
0
0
0
0
