Baranavickim haradskim adździełam Śledčaha kamiteta Biełarusi 30 krasavika była raspačata sprava za chulihanstva na padstavie častki 1 artykuła 339 Kryminalnaha kodeksa ŭ dačynieńni da śviatara sa Staradarožskaha rajona Minskaj vobłaści.
Śviatar padazrajecca ŭ tym, što na stancyi Baranavičy-Paleskija ŭ pjanym vyhladzie 26 krasavika adkryta prademanstravaŭ svaje pałavyja orhany pasažyram.
Paźniej stali viadomyja padrabiaznaści spravy.
Śviatar słužyŭ u carkvie Naradžeńnia Chrystova ŭ vioscy Prusy Staradarožskaha rajona Minskaj vobłaści.Za nieadnarazovaje parušeńnie dyscypliny vyzvaleny ad nastajacielstva, paviedamiŭ BiełaPAN adkazny pa suviaziach sa ŚMI Biełaruskaha ekzarchatu ajciec Jaŭhien.
Pavodle jaho słoŭ, ukaz ab vyzvaleńni ad nastajacielstva mitrapalit Fiłaret padpisaŭ 27 krasavika.
Na najbližejšym sinodzie BPC budzie razhledžana pytańnie ab źniaćci ź vinavataha śviatarskaha sanu.
U 2010 hodzie hety čałaviek užo byŭ asudžany za takija dziejańni. Sudzimaść źniata i pahašana. U Śledčym kamitecie hetu infarmacyju nie kamientujuć.
0
0
0
0
0
0
