Cieraź biełaruska-litoŭskuju miažu sprabavali pravieźci čatyry razabranyja fury 1

Hrodzienskija mytniki spynili sprobu pravozu čatyroch siedłavych ciahačoŭ u razabranym vyhladzie cieraz biełaruska-litoŭskuju miažu.

Jak paviedamlaje pres-słužba Dziaržaŭnaha mytnaha kamiteta Biełarusi, dla praviadzieńnia mytnaha kantrolu ŭ punkcie propusku «Pryvałka» byŭ spynieny ruch dvuch hruzavych transpartnych srodkaŭ, jakija pa dakumientach pieravozili «častki hruzavych aŭtamabilaŭ, matacykły». Hruz nakiroŭvaŭsia ź Litvy ŭ Kazachstan.

Pravieryŭšy tavar, supracoŭniki Hrodzienskaj rehijanalnaj mytni vyjavili, što ŭ pryčepach hruzavikoŭ pieramiaščajucca nie prosta detali. Pieršapačatkova byli znojdzienyja praktyčna poŭnaściu sabranyja kabiny asobnych transpartnych srodkaŭ. Padčas dalejšaj pravierki vyśvietliłasia, što ŭ aŭtaciahnikach pad vyhladam zapčastak pieramiaščajucca čatyry razabranyja ciahačy: dva marki «Volva» i dva — «Reno». Kamplektnaść ram i dublirujučyja tablički na kabinach aŭtamabilaŭ źjavilisia pramym paćviardžeńniem tamu, što heta składniki adnaho transpartnaha srodku. Aprača taho, u hruzavych pamiaškańniach kabin, što pieramiaščalisia, byli znojdzienyja naohuł nie ŭkazanyja ŭ dakumientach zapčastki.

Niezakonny hruz ahulnym koštam bolš čym miljard rubloŭ zatrymany. Pa fakcie pravaparušeńnia pačaty administracyjny praces.

0

0

0

0

0

0

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH