U niadzielu ŭ Francyi projdzie druhi tur prezidenckich vybaraŭ, pieramožcam jakoha moža ŭpieršyniu z 1988 hoda stać pradstaŭnik Sacyjalistyčnaj partyi.
U pieršym tury sacyjalist Fransua Aland atrymaŭ 28,6% hałasoŭ, apiaredziŭšy dziejučaha prezidenta Nikala Sarkazi, jaki nabraŭ 26,2%.
Asnoŭnymi temami ciapierašniaj pieradvybarnaj kampanii stali biespracoŭje i kryzis jeŭra.
U chodzie kampanii Sarkazi zajaŭlaŭ, što jon praduchiliŭ recesiju, i ŭ vypadku abrańnia abiacaŭ zachavać «mocnuju Francyju».
U toj ža čas Aland śćviardžaje, što kraina znachodzicca ŭ stanie «surjoznaha kryzisu» i maje patrebu ŭ pieramienach.
Vybarčyja ŭčastki ŭ asnoŭnaj častki Francyi i na Korsicy buduć adkryty z 8 da 18 hadzin pa miascovym časie (z 9 da 20 pa Minsku). U vialikich haradach ŭčastki začyniacca na dźvie hadziny paźniej.
U sieradu supierniki praviali ažyŭlenyja televizijnyja debaty, jakija pahladzieli 17,9 młn čałaviek. Piatnica była apošnim dniom ahitacyjnaj kampanii.
Aland — jakoha ličać najbolš vierahodnym pieramožcam hetych vybaraŭ — zajaviŭ, što jaŭka vybarščykaŭ u niadzielu moža paŭpłyvać na vyniki volevyjaŭleńnia.Sarkazi, u svaju čarhu, adznačyŭ, što nikoli da hetaha dnia vyniki vybaraŭ nie zdavalisia takimi «niavyznačanymi».
Aland prapanuje pavysić padatki na bujnyja karparacyi i ludziej, jakija atrymlivajuć bolš za 1 młn jeŭra ŭ hod.
Kandydat ad sacyjalistaŭ choča taksama pavialičyć pamier minimalnaj apłaty pracy, dać pracoŭnyja miescy 60 tys. nastaŭnikam i źnizić dla niekatorych katehoryj pracoŭnych ŭzrost vychadu na piensiju z
U vypadku pieramohi Alanda ŭ Francyi ŭpieršyniu z 1995 hoda, kali zaviaršyŭsia druhi termin Fransua Miterana, źjavicca
Uśled za prezidenckimi vybarami ŭ Francyi ŭ červieni projduć vybary parłamienta.