Nacyjanał-balšaviki baranili park 40-hodździa Kastryčnika 13
Na adnym z mastoŭ kala śsiečanych dreŭ nacboły vyviesili raściažku z łozunham «Što nastupnaje? Kurhan Słavy?».
Ranicaj 9 maja ŭ minskim parku 40-hodździa Kastryčnika byli zatrymanyja pradstaŭniki nacyjanał-balšavickaha ruchu.
Jak paviedamiŭ lidar biełaruskich nacyjanał-balšavikoŭ Jaŭhien Kontuš, piaciora aktyvistaŭ ruchu pravodzili ahitacyjnuju akcyju, prymierkavanuju da Dnia Pieramohi, a taksama skiravanuju suprać vysiečki parku 40-hodździa Kastryčnika, dzie kitajski inviestar płanuje pabudavać haściničny kompleks «Piekin».
Na adnym z mastoŭ kala śsiečanych dreŭ nacboły vyviesili raściažku z łozunham «Što nastupnaje? Kurhan Słavy?». Jany taksama raskleili ŭ parku i jaho navakollach ulotki z nastupnym źmiestam: «Na hetym miescy kaliści znachodziŭsia park 40-hodździa Kastryčnika: histaryčnaje miesca Minska. U hady vajny na hetym miescy karali minskich padpolščykaŭ i partyzan. 16 lipienia 1944 hoda adbyŭsia parad partyzanskich vojskaŭ pad kamandavańniem hienierała Čarniachoŭskaha, udzieł u jakim uziali 30.000 partyzan Biełarusi i 20.000 biełaruskich hramadzian. U 1946 hodzie adbyłasia śmiarotnaja kara niemcaŭ. Zakładzieny rukami rabotnikaŭ zavoda Kastryčnickaj revalucyi ŭ 1957 hodzie. Źniščany, kab dahadzić kitajskamu kapitału ŭ 2012 hodzie pry niepasrednym sadziejańni ŭrada RB i Minharvykankama. Viečnaja pamiać abaroncam Ajčyny! Viečnaja hańba kałabarantam va ŭładnych kresłach!».
Padčas praviadzieńnia akcyi byli zatrymany Dźmitryj Palijenka i Alaksandr Palakoŭ.
Ich dastavili va ŭpraŭleńnie ŭnutranych spraŭ Leninskaha rajona, dzie pratrymali try hadziny, skłali pratakoły ab administracyjnym pravaparušeńni pavodle artykuła 17.1 KoAP (drobnaje chulihanstva), paśla čaho adpuścili.
Pavodle papiaredniaj infarmacyi, sud nad Palakovym projdzie 10 maja. Administracyjnaja sprava Palijenki pavinna razhladać rajonnaja kamisija pa spravach niepaŭnaletnich.
