Učora maładafrontaŭcy Mikoła Dziemidzienka, Raman Vasiljeŭ i Michaś Muski musili vyjści ź izalatara na Akreścina paśla 15-cisutkavaha aryštu. Ale, na žal, Michaś tak i nie patrapiŭ na volu.
Siabry šukali paplečnika i tolki siońnia ranicaj stała dakładna viadoma, što Muski znoŭ znachodzicca ŭ CIPie.Dakładnyja akaličnaści zatrymańnia Michasia nie viadomyja. U dziažurnaj častcy CIP paviedamili, što junak zatrymany da suda, pasiedžańnie adbudziecca ŭ paniadziełak u sudzie Maskoŭskaha rajona.
«Chutčej za ŭsio Michasiu inkryminujuć «drobnaje chulihanstva». Padobnaja situacyja była viasnoj u Pavała Vinahradava, kali jaho vyvieźli z Akreścina na mašynie ŭ RAUS, dzie skłali jašče adzin pratakoł pa 17.1 KaAP.
Miarkuju, što jašče adno zatrymańnie Muskaha źviazanaje z tym, što jon admaŭlajecca prachodzić terminovuju słužbu ŭ vojsku i patrabuje alternatyŭnuju.Junaku vydali paviestku ŭ vajenkamat na 14 traŭnia, i chutčej za ŭsio Michasia pryviazuć tudy pad kanvojem.» — kamientuje pravaabaronca Nasta Łojka.
0
0
0
0
0
0
