Pavodle słovaŭ namieśnika staršyni partyi Jurasia Bieleńkaha, rašeńnie ab hetym było pryniataje na apošnim sojmie.
— Miarkuju, što heta vielmi svoječasovaja i važnaja pastanova. Bo hramadstva musić viedać i bačyć piersanalna alternatyvu dziejučaj uładzie, dziejučym piersanalijam, jakija atajasamlajuć hetuju ŭładu.
Pa słovach Jurasia Bieleńkaha, Zianon Paźniak pastaviŭsia da hetaj prapanovy z razumieńniem. Ale svoj razhornuty aficyjny adkaz jon abiacaŭ dać krychu paźniej.
U toj ža čas partyja zajaviła pra bajkot parłamienckich vybaraŭ. Pa słovach Ju.Bieleńkaha, heta budzie nie prosta niaŭdzieł, a aktyŭnaja kampanija. «Bajkatavać, adviarnucca ad nielehitymnaj ułady — heta adziny srodak, jaki moža pryvieści da peŭnych palityčnych vynikaŭ», — miarkuje Juraś Bieleńki.
