Nacyjanalny bank Biełarusi pakul nie bačyć «fundamientalnych padstaŭ» dla rezkaha źnižeńnia staŭki refinansavańnia. Pra heta zajaviŭ na
Zaraz staŭka refinansavańnia składaje 36% hadavych, a z 16 maja składzie 34%.
Nahadajem, što 11 maja pieršy namieśnik premjer-ministra Uładzimir Siamaška na pasiadžeńni Savieta ministraŭ razhledzieć mahčymaść rezkaha źnižeńnia staŭki refinansavańnia ŭ druhim kvartale.
«Prapanuju Minekanomiki, Minfinu sumiesna z Nacbankam praanalizavać najaŭnaść svabodnych resursaŭ u bankaŭskaj sistemie i ŭnieści prapanovu
pa rezkim źnižeńni staŭki refinansavańnia ŭ druhim kvartale i da kanca 2012 hoda ŭ adpaviednaści z uzroŭniem inflacyi, heta značyć nie vyšej za 22–25%».
Da hetaha Minfinu sumiesna z vykankamami z ulikam praficytnaha vykanańnia biudžetu nieabchodna praduhledzieć dadatkovyja resursy respublikanskaha i miascovych biudžetaŭ dla kampiensacyi mahčymaj častki pracentaŭ pa bankaŭskich kredytach, kab stymulavać praces inviestycyj, dadaŭ Siamaška.
Na jaho dumku, «nieabchodnaść takich rašeńniaŭ abhruntavana tym, što dynamika dziełavoj aktyŭnaści istotna zaležyć ad stanu makraekanamičnaha asiarodździa». Prablemnym zaraz źjaŭlajecca ŭzrovień stavak pa kredytach dla raźvićcia i pašyreńnia najaŭnaj dziejnaści. «Staŭki pa rublovych kredytach pieravyšajuć 45% hadavych i znachodziacca na niedasiahalnym uzroŭni dla biźniesu, popyt na ich nievysoki», — zaznačyŭ 11 maja pieršy vice-premjer.
