Maładafrontaŭca Muskaha z turmy adpravili ŭ vojska 13

Siońnia, 16 maja, minskaha maładafrontaŭca Michasia Muskaha ź izalatara na Akreścina vyvieźli ŭ vajskovuju častku ŭ viosku Miežyca (Viciebskaja vobłaść). Z darohi chłapiec zdoleŭ patelefanavać svaim paplečnikam.

Muski adsiedzieŭ 15 sutak aryštu paśla «Čarnobylskaha šlachu», adnak nie vyjšaŭ na svabodu. Sud «nakinuŭ» chłopcu jašče 5 sutak.

Vierahodna, admysłova, kab dačakacca pryzyŭnych dzion i adpravić jaho słužyć. Raniej MIchaś Muski, vyklučany z univiersiteta, pisaŭ zajavu na alternatyŭnuju słužbu.

U rakietna-zienitnaj častcy ŭ Miežycy raniej słužyli «palitpryzyŭniki» Ivan Šyła i Aleś Kalita, a taksama Dźmitryj Kanavałaŭ, rasstralany za terakt u minskim mietro.

Viečaram 16 maja byŭ taksama zatrymany maładafrontaviec Uładzimier Jaromienak.

Pakul akaličnaści vyśviatlajucca. Čamu zatrymali, čas zatrymańnia nieviadomyja. Aktyvist dasłaŭ SMS-paviedamleńnie, što zaraz jaho viazuć z Frunzienskaha RUUSa ŭ CIP na Akreścina.

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH