Za apošni hod u Biełarusi pavialičyłasia kolkaść mužčyn, jakija žadajuć atrymać kansultacyju pa pytańniach biaśpiečnaha vyjezdu za miažu pa prahramie «Ła Strada» mižnarodnaha hramadskaha abjadnańnia «Hiendarnyja pierśpiektyvy».
Jak paviedamiła kiraŭnik prahramy Alena Nieściaruk, kali da minułaha hoda kožny piaty z tych, chto źviartaŭsia pa kansultacyju, byŭ mužčynam, to ŭ 2011 hodzie — amal kožny treci. Kali raniej bolš uvahi nadavałasia žančynam jak patencyjalnym achviaram handlu ludźmi, to zaraz namahańni supracoŭnikaŭ prahramy skiravany i na mužčyn. Jany tradycyjna časta vyjazdžajuć za miažu i pavinny kłapacicca pra svaju biaśpieku, ličyć śpiecyjalist.
Z 2001 hoda prahrama «Ła Strada» atrymała bolš za 17,5 tys. zvarotaŭ ad hramadzian pa pytańniach biaśpiečnaj mihracyi pa haračaj linii i elektronnaj pošcie. Z pačatku hoda ŭ prahramu pastupili 143 zvaroty pa elektronnaj pošcie. Najbolšaja kolkaść pytańniaŭ tyčycca pracaŭładkavańnia za miažoj — amal čverć ad usich, a taksama
Najbolš papularnymi krainami pryznačeńnia dla biełaruskich hramadzian źjaŭlajucca Rasija (20,3), Hiermanija (12,6%), Polšča (5,6%), ZŠA i Jehipiet (pa 4,9%).Pa kansultacyju ŭ prahramu źviartajucca jak biełarusy, jakija źbirajucca vyjechać za miažu, tak i tyja, chto apynuŭsia ŭ kryzisnaj situacyi za miažoj. U liku krain, dzie była akazana dapamoha paciarpiełym ad handlu ludźmi biełarusam, — Rasija, Ispanija, Izrail, Polšča, Turcyja, Indyja i Kipr, a taksama sama Biełaruś.
Pradstaŭnik prahramy nahadała, što z 1 maja 2011 hoda pačaŭ pracavać karotki numar 113 pa biaśpiečnym vyjeździe i znachodžańni za miažoj. Statystyčny ŭlik źviestak viadziecca z 1 vieraśnia 2011 hoda. Usiaho za hety čas na liniju pastupiła 790 telefanavańniaŭ ad hramadzian. Čaściej za ŭsio cikaviać pytańni pracaŭładkavańnia za miažoj — 45,5% ad ahulnaha liku telefanavańniaŭ, a taksama infarmacyja pra karysnyja adrasy i telefony za miažoj i ŭ Biełarusi, kudy možna źviarnucca ŭ vypadku ŭźniknieńnia niebiaśpieki, — 13,4%
