Pra heta paviedamiŭ namieśnik ministra žyllova-kamunalnaj haspadarki Biełarusi Anatol Šahun siońnia ŭ čas online kanfierencyi «ŽKH: pasłuhi, taryfy, jakaść» na sajcie BiełŁTA.
Prahramaj sacyjalna-ekanamičnaha raźvićcia praduhledžana da 2015 hoda vyjści na 60 pracentaŭ kampiensacyi nasielnictvam zatrat na akazańnie žyllova-kamunalnych pasłuh. Da stapracentnaj kampiensacyi taryfy buduć u pieršuju čarhu pavyšacca na tyja pasłuhi, jakija majuć nievysoki sabiekošt, — techabsłuhoŭvańnie žyłfondu, vodazabieśpiačeńnie, kanalizacyja, vyvaz adchodaŭ, absłuhoŭvańnie liftaŭ.
«Pa ciepłazabieśpiačeńniu nam budzie davoli składana vyjści na 100% kampiensacyi (heta zapatrabuje istotnaha pavyšeńnia taryfu), i hetyja 60% raźličvalisia z ulikam taho, što ciepłazabieśpiačeńnie ŭ 2015 hodzie i paśla budzie jašče ŭ žyllova-kamunalnaj haspadarcy subsidziravacca ź biudžetu», — adznačyŭ Anatol Šahun.
Udaskanaleńnie taryfnaj palityki, na jaho dumku, budzie sadziejničać raźvićciu kankurencyi na rynku žyllova-kamunalnych pasłuh. Pakul pradpryjemstvy pryvatnaj formy ŭłasnaści vialikaj aktyŭnaści ŭ hetym pytańni nie prajaŭlajuć.
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH