Biełarusy Rasii papraknuli Łatušku za orden Kirkoravu 4

Ź Minska pryjechali Vialiki simfaničny arkiestr Respubliki Biełaruś, vystaŭka z Muzieja historyi biełaruskaj litaratury i Muzieja Maksima Bahdanoviča, narodny kalektyŭ «Biasieda» i ministr kultury. Ź Vilni pryvieźli vystaŭku davajennych fatahrafij Balasłavy i Edmunda Zdanoŭskich «Vilenskija elehii» filmy Jonasa Miekasa, džaz-kancert Vitaŭta Łabucisa i Niedy Małunovič, a taksama praviali fołk-fiestyval staražytnych ramiesnych i kulinarnych tradycyj u Pietrapaŭłaŭskaj krepaści. Znakavaj padziejaj stała vystava «Siamja Saŭki» ŭ Marmurovym pałacy. Saŭka, z-pad Lidy rodam, ciapier vielmi admietny vilenski mastak. Minčuki siabravali z našym horadam dva dni (18–19), a vilenčuki bolš — ad 16 da 20 maja.

Była roźnica ŭ arhanizacyi: litoŭski kansułat u Pieciarburhu nadrukavaŭ prahramu mierapryjemstvaŭ, biełaruski kansułat da nie daŭmieŭsia. U vyniku vilenskija kulturnyja akcyi źbirali bolš publiki.

Pry nahodzie adbyłasia sustreča pradstaŭnikoŭ biełaruskich hramadskich arhanizacyj Pieciarburha ź ministram kultury Biełarusi.

Aŭtar knihi «Biełaruski Pieciarburh» Mikoła Nikałajeŭ krytykavaŭ kulturnuju palityku Alaksandra Łukašenki, prynamsi skazaŭ, što «uznaharoda skandalna viadomaha siaredniaj ruki maskoŭskaha śpievaka Kirkorava abiasceńvaje vartaść vyšejšaj uznaharody Biełarusi — ordena Franciška Skaryny».

Nahadajem, što doktar fiłałahičnych navuk Mikoła Nikałajeŭ źjaŭlajecca chavalnikam knih Skaryny ŭ Nacyjanalnaj biblijatecy Rasii ŭ Sankt-Pieciarburhu i aŭtaram dvuchtamovika «Historyja biełaruskaj knihi».

Aleś Šknaj, Sankt-Pieciarburh

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH