Film Siarhieja Łaźnicy «U tumanie», jaki ŭdzielničaŭ u asnoŭnym konkursie Kanskaha fiestyvalu, atrymaŭ pryz mižnarodnaj fiederacyi kinakrytyki FIPRESCI.
«U tumanie» — ekranizacyja adnajmiennaj apovieści Vasila Bykava. Dzieja filma, źniataha ŭ rasiejska-niamiecka-
Uładalniki pryzoŭ asnoŭnaha žury stanuć viadomyja ŭ niadzielu ŭviečary,pakul ža svaich pryzioraŭ abviaściŭ tolki konkurs debiutaŭ Cinefondation, dzie pieramahła maskvička Taisija Ihumiencava z karotkamietražkaj «Daroha na», i «Dvuchtydniovik režysioraŭ», dzie pryz dastaŭsia čylijcu Pabła Łarainu za film «Nie» (No). Ekumieničnaje žury prysudziła svaju ŭznaharodu karcinie «Palavańnie» (Jagten) datčanina Tomasa Vinterbierha (Thomas Vinterberg) — historyi školnaha nastaŭnika, pa niaščasnamu źbiehu abstavin źvinavačanaha ŭ piedafilii.
Siarhiej Łaźnica naradziŭsia ŭ 1964 hodzie ŭ Biełarusi, vučyŭsia ŭ Kijevie, tam ža pracavaŭ navukovym supracoŭnikam u Instytucie kibiernietyki i pierakładčykam ź japonskaj movy. U 1991 hodzie pastupiŭ u VHIK na adździaleńnie režysury ihravoha kino (majsternia Nany Džardžadze), adnak da 2010 hoda zdymaŭ vyklučna dakumientalnyja karciny: na jaho rachunku 3 poŭnamietražnyja i šeść karotkamietražnych filmaŭ, jakija atrymlivali pryzy na fiestyvalach u Krakavie, Lejpcyhu, Karłavych Varach.
Siarod samych viadomych — «Partret» (2002), «Błakada» (2005), «Arciel» (2006). U 2010 hodzie ŭ Kanskim asnoŭnym konkursie pakazali pieršy hulniavy film Łaźnicy, «Ščaście majo», jaki paśla atrymaŭ na «Kinataŭry» pryz za lepšuju režysuru i inšyja ŭznaharody na roznych fiestyvalach.
