U Słonimie (Hrodzienskaja vobłaść) zapłanavana ŭźviadzieńnie pomnika kancleru Vialikaha kniastva Litoŭskaha Lvu Sapiehu (04.04.1557 — 07.07.1633). Pra heta havorycca ŭ adkazie Ministerstva kultury na zvarot kiraŭnictva hramadskaha abjadnańnia «Tavarystva biełaruskaj movy imia Franciška Skaryny» (TBM) u suviazi z 450‑hodździem z dnia naradžeńnia Ł.Sapiehi.
U liście namieśnika ministra kultury Valeryja Hiedrojca staršyni TBM Alehu Trusavu zaznačana, što ŭźviadzieńnie pomnika Lvu Sapiehu ŭ Słonimie «praduhledžana pastanovaj kalehii ministerstva ad 20 kastryčnika 2005 hoda «Ab stanie i pierśpiektyvach raźvićcia vyjaŭlenčaha mastactva Biełarusi» na 2006‑2010 hady». Aprača taho, paviedamlajecca, što «adna z płoščaŭ Słonima nosić imia Lva Sapiehi, u fondach miascovaha krajaznaŭčaha muzieja znachodziacca tematyčnyja ekspanaty taho času», «u horadzie Lida Hrodzienskaj vobłaści z 2 pa 7 krasavika historyka‑mastackim muziejem budzie praviedzieny tydzień infarmacyi, pryśviečany Lvu Sapiehu». «Centralizavanaj biblijatečnaj sistemaj horada arhanizavany knižnyja vystavy pad nazvaj «Leŭ Sapieha — kancler Vialikaha kniastva Litoŭskaha», a 4 krasavika, u dzień naradžeńnia znakamitaha ziemlaka, adbudziecca hadzina cikavaj infarmacyi «Leŭ Sapieha i Statut VKŁ», — havorycca ŭ liście.
U intervju BiełaPAN A.Trusaŭ vykazaŭ padziaku Ministerstvu kultury za namier ustanavić u Słonimie manumient Lvu Sapiehu i vykazaŭ pažadańnie paskoryć praces ŭźviadzieńnia pomnika.
