Za dziesiać hod kolkaść dziaciej u Biełarusi źmienšyłasia na 27,6% 5

U Biełarusi kolkaść dziaciej va ŭzroście da 18 hadoŭ na pačatak 2012 hoda skłała 1 młn. 730,9 tys. čałaviek, paviedamiła pres-sakratar Nacyjanalnaha statystyčnaha kamiteta Alena Kandracienka.

Pavodle źviestak demahrafičnaj statystyki, dziaciej va ŭzroście da 7 hadoŭ naličvałasia na pačatak hoda 717,1 tys. čałaviek, dziaciej va ŭzroście 7–14 hadoŭ — 712,5 tys., padletkaŭ va ŭzroście 15–17 hadoŭ — 301,3 tys. čałaviek.

U paraŭnańni z pačatkam 2000 hoda kolkaść dziaciej va ŭzroście da 18 hadoŭ u cełym pa krainie źmienšyłasia na 661 tys. čałaviek (na 27,6%), u tym liku va ŭzroście da 16 hadoŭ — na 541,5 tys. čałaviek (na 26,2%), a ŭ sielskaj miascovaści — na 231,8 tys. čałaviek (na 38,5%).

«Nastolki prykmietnaje skaračeńnie kolkaści dziaciej źviazana sa spadam naradžalnaści ŭ 90-ja hady minułaha stahodździa, što asabliva adbiłasia na dynamicy ŭzrostavaj hrupy 10–14 hadoŭ. Za hety pieryjad kolkaść dziaciej va ŭzroście 10–14 hadoŭ źmienšyłasia ŭ 1,8 raza, abo na 363,2 tys. čałaviek», — rastłumačyła pradstaŭnik Biełstata.

Dola dziaciej va ŭzroście da 18 hadoŭ u ahulnaj kolkaści nasielnictva skaraciłasia z 23,9% na pačatak 2000 hoda da 18,3% na pačatak 2012 hoda, u tym liku tych, jakija pražyvajuć u sielskaj miascovaści — z 22,3% da 18,2%.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH