Śpiecnaz zatrymaŭ fanataŭ pierad matčam «Tarpieda» — «Partyzan». Fanaty «Tarpieda» na stadyjonie nie źjavilisia, usie siektary zaniali «partyzany». Im dali kamandu razychodzicca, i prosta na arenu zajechaŭ aŭtazak. Najbolš aktyŭnym «ultras» miakka prapanavali zaniać miesca ŭ samym papularnym biełaruskim srodku pierasoŭvańnia. Ich raźvieźli pa miescy pražyvańnia «ŭ metach ich biaśpieki». Takim čynam milicyja chacieła zastrachavacca ad bojek miž fanackimi hrupoŭkami.
Matč čempijanatu Minska pamiž «Tarpieda» i «Partyzanam», jaki mieŭsia prajści siońnia ŭ 20:00 na stadyjonie «Łakamatyŭ», pieranosicca na niavyznačany termin
Jak paviedamiŭ adzin z kiraŭnikoŭ «Partyzana», kiraŭnictva «Tarpieda» tolki ŭčora ŭviečary źviarnułasia ŭ Kastryčnickaje RUUS i painfarmavała ab tym, što 29 maja ŭ Minsku budzie taki matč. Tam vyśvietliłasia, što milicyja da matču nie hatova. Sustreča pieraniesiena. Tym nie mienš, častka fanataŭ padciahvałasia da stadyjona.
Učora nočču fanaty «Tarpieda» naviedalisia na stadyjon i razmalavali jaho i blizkalehłyja damy hrafici.
«Tarpieda» i «Partyzan» — adnyja z samych nieprymirymych supiernikaŭ u Biełarusi.