Biespracoŭny sa Stolinskaha rajona za niekalki miesiacaŭ na pieraprodažy cyharet vyručyŭ 656 miljonaŭ rubloŭ. Pry hetym z adnaho koraba (50 błokaŭ) jon atrymlivaŭ usiaho ad 2 da 15 dołaraŭ zvyš zatrat.
Jak paviedamili ŭ hałoŭnym upraŭleńni pa baraćbie z ekanamičnymi złačynstvami MUS Biełarusi, na amal pramysłovy abjom realizacyi mužčyna vyjšaŭ za košt kupli cyharet pa aptovych cenach u jurydyčnych asob, jakija supracoŭničajuć z tytuniovymi fabrykami, i prodažu tavaru tym, chto zajmajecca kantrabandaj ajčynnych cyharet va Ukrainu i Polšču. Supracoŭniki UBEZ UUS Bresckaha abłvykankama i ŭpraŭleńnia departamienta finansavych rasśledavańniaŭ Kamiteta dziaržkantrolu pa Bresckaj vobłaści ŭstanavili, što takoj supraćpraŭnaj dziejnaściu mužčyna zajmaŭsia sa studzienia pa krasavik 2012 hoda i atrymaŭ dachod u asabliva bujnym pamiery.
Raniej žychar Stolinskaha rajona ŭžo adbyvaŭ pakarańni za kradziažy, rabavańnie, zbyt narkotykaŭ, vymahalnictva i machlarstva.
Ciapier u dačynieńni da jaho rasśledujecca sprava za niezakonnuju pradprymalnickuju dziejnaść, spałučanuju z atrymańniem dachodu ŭ asabliva bujnym pamiery pa č. 2 art. 233 KK. Maksimalnaja sankcyja za hetaje złačynstva — piać hadoŭ pazbaŭleńnia voli.
