Pavodle infarmacyi Onliner.by, pieršyja «listy ščaścia» (jak jašče nazyvajuć pastanovy pra zafiksavanyja kamierami parušeńni chutkasnych režymaŭ) pryjduć aŭtamabilistam najbližejšym časam. Słavuty ŭkaz № 454 zapracuje ŭ poŭnuju siłu.
Kamiery chutkaści pavinnyja byli zapracavać jašče 19 traŭnia. Adnak adkryta pra heta nidzie nie abviaščałasia.«Užo hatovyja pieršyja pastanovy ab parušeńniach. Nieŭzabavie jany buduć adpraŭlenyja», — skazali ŭ DAI.
Aktyŭna pra sistemu fota- i videafiksacyi parušeńniaŭ kazali ŭ kancy 2010 hoda. Byŭ padpisany ŭkaz № 454, jaki praduhledžvaje, što ŭ pieršuju čarhu pretenzii buduć vystajaŭlacca ŭłaśniku aŭtamabila.
«Jakaść razroźnieńnia kamier davoli vysokaja, tamu budzie dobra raspaznavacca nie tolki numarny znak i marka aŭtamabila, ale i tvar kiroŭcy.Paśla taho jak zdymak budzie apracavany i supracoŭniki DAI vyznačać uładalnika aŭtamabila, jamu budzie nakiravanaja razdrukoŭka vyjavy z ukazańniem času, miesca fiksacyi i samoha transpartnaha srodku. Kali vyjavicca, što ŭ momant parušeńnia praviłaŭ darožnaha ruchu ŭładalnik ź niejkich pryčynaŭ nie rasparadžaŭsia transpartnym srodkam albo aŭtamabila ŭ jaho prosta nie było z pryčyny złačynnaha dziejańnia (naprykład, vykradańnia), zakonny ŭładalnik pavinien napisać zajavu pra toje, što ŭ momant pravaparušeńnia aŭtamabilem kiravaŭ nie jon. Praces u dačynieńni da jaho budzie spynieny aŭtamatyčna i pačniecca ŭ dačynieńni da taho, chto sapraŭdy kiravaŭ transpartnym srodkam», — skazali tady va UDAI MUS.
U listapadzie 2010 hoda pradstaŭniki UDAI MUS navat zajavili, što dasłanyja pieršyja niekalki sotniaŭ pastanovaŭ parušalnikam chutkasnaha režymu. Nieviadoma, čym heta ŭsio skončyłasia, ale zatym razmovy pra kamiery chutkaści pacišeli. Ciapier, mabyć, buduć pryniatyja kankretnyja miery pa realizacyi ŭkaza № 454.
0
0
0
0
0
0
