Aktyvist «Maładoha Frontu», palitviazień Eduard Łobaŭ dasłaŭ list sustaršyni BCHD, palitviaźniu Paŭłu Sieviaryncu.
U liście ad 1 červienia, maładafrontaviec piša, što na jaho pačali składać biaskoncyja raparty pra iparušeńni režymu ŭtrymańnia, čaho raniej nie było.Pavodle Eduarda Łobava, jaho sprabujuć padvieści pad kryminalny artykuł «złosnaje parušeńnie ŭstalavanaha paradku adbyćcia pakarańnia», paviedamlaje pres-słužba BCHD.
Tym samym, ličyć Eduard Łobaŭ, jamu chočuć abmiežavać mahčymaści spatkańniaŭ, pieradačaŭ, a taksama vychadu na volu pa abvieščanaj uładami amnistyi.
Razam z tym Eduard trymajecca badziora i kaža, što hatovy adsiedzieć uvieś termin.
Eduard Łobaŭ asudžany na 4 hady pavodle abvinavačańnia ŭ chulihanstvie. Pavodle sudu, razam sa Źmitrom Daškievičam jany nibyta źbili minakoŭ u Minsku. Heta zdaryłasia za dzień da prezidenckich vybaraŭ. U sudzie paciarpiełyja davali pakazańni, schavaŭšy tvary ad publiki. Łobaŭ i Daškievič zajavili, što bojku spravakavali śpiecsłužby.
0
0
0
0
0
0
