Paśviedčańnie, jakoje ŭratavała Volskaha ad milicyi — fota 5

U supołcy hurtu «Krambambula» ŭ Facebook źjaviŭsia zabaŭny rarytet — vyjava paśviedčańnia Lavona Volskaha, jakoje vydała Respubikanskaja dyrekcyja estradna-cyrkavoha mastactva. U dakumiencie Volski fihuruje jak «artyst-vakalist II katehoryi hurtu «Mroja»».

«Usio, uskryłasia majo ciomnaje minułaje, — śmiajecca Volski. — Ciapier anarchičnyja pohlady pad pytańniem. Hetaje paśviedčańnie ja atrymaŭ u 1992, zdajecca, hodzie.

My tady repietavali na bazie Fiłarmonii — im treba było mieć niejkija biełaruskamoŭnyja kamandy,

ale my, zrazumieła, nie vystupali ŭ Fiłarmonii. Vidać, pa hetym paśviedčańni možna było biaspłatna chadzić na kancerty estradna-cyrkavoj dyrekcyi, adnak iści tudy i ŭ hałavu b nie pryjšło, navat biaspłatna».

Što značyć tajamničaje «artyst-vakalist druhoj katehoryi»,

Lavon Volski nie viedaje.

«Vidać, heta jak ryba druhoj śviežaści. Mahčyma, isnujuć vakalisty vyšejšych katehoryj, a mahčyma heta praz adsutnaść muzyčnaj adukacyi».

Da źjaŭleńnia ŭ Facebook adskanavanaha paśviedčańnia Volski stavicca iranična: «Administracyja supołki paličyła vartym vykryć majo minułaje — supracoŭničaŭ z uładami, mieŭ aficyjnuju pracu.

Mnie hetaje paśviedčańnie dapamahło roŭna adzin raz — zatrymała milicyja za pierachod vulicy ŭ nienaležnym miescy, ci za niešta padobnaje, adnak ubačyli paśviedčańnie i adpuścili».

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH