Biełaruś pavialičvaje impart vysokatechnałahičnych tavaraŭ z Rasii. Ab hetym zajaviŭ premjer‑ministr Biełarusi Siarhiej Sidorski na pasiadženni Savieta Ministraŭ Sajuznaj dziaržavy ŭ Minsku.
Jon padkresliŭ, što naša kraina impartuje z Rasii ruchaviki, technałahičnaje abstalavańnie i inšyja tavary, nieabchodnyja dla techpieraŭzbrajeńnia pradpryjemstvaŭ. Rasijskija kampanii prysutničajuć na bujnych pradpryjemstvach Biełarusi, jakija pravodziać madernizacyju vytvorčasci. Jarkim prykładam intehracyjnaha supracoŭnictva Biełarusi i Rasii Siarhiej Sidorski nazvaŭ realizacyju prajekta pa stvareńniu zavoda hazietnaj papiery ŭ Škłovie, dzie budzie ŭstanoŭlena vysokatechnałahičnaje rasijskaje abstalavańnie.
Premjer‑ministr taksama adznačyŭ, što na rynku Biełarusi aktyŭna pracujuć rasijskija kampanii, jakija realizujuć pradukty charčavańnia. Salda handlu charčovymi tavarami ŭ studzieni hetaha hoda ŭ Biełarusi było na karyść Rasii i skłała plus $25,4 młn.
Biełaruski premjer asabliva padkresliŭ, što ŭ Sajuznaj dziaržavie ŭdałosia zachavać adkrytymi hranicy. Pry hetym jon taksama nahadaŭ, što praz tydzień ustupić u dziejańnie pahadnieńnie pamiž Biełaruśsiu i Rasijaj ab sacyjalnym zabieśpiačenni hramadzian. U svaju čarhu Rasija hatova budavać univiersalnyja rynačnyja adnosiny ź Biełaruśsiu, zajaviŭ staršynia Urada Rasijskaj Fiederacyi Michaił Fradkoŭ na adkrycci pasiadžeńnia Savieta Ministraŭ Sajuznaj dziaržavy.
«Z rasijskaha boku prysutničaje ćviordy nastroj na pryniaćcie pa‑ śladoŭnych zachadaŭ, jakija daduć mahčymaść vyviesci adnosiny pamiž Biełaruśsiu i Rasijaj na jakasny ŭzrovień», — skazaŭ jon. Adnoj z klučavych umoŭ hetaha źjaŭlajecca ŭmacavańnie ekanamičnaha fundamienta va ŭmovach pierachodu dźviuch krain na ŭniviersalnyja rynačnyja adnosiny, dadaŭ Michaił Fradkoŭ.
Dasiahnutyja ŭ pačatku hetaha hoda damoŭlenasci majuć mienavita takuju nakiravanaść, ličyć jon. Ich realizacyja stanie dadatkovym impulsam pracesaŭ stvareńnia adzinaj ekanamičnaj prastory i sajuznaha budaŭnictva ŭ cełym, dadaŭ premjer‑ministr Rasii.
Na pasiadžeńni padpisana mižuradavaje pahadnieńnie ab mierach pa razvićciu handlova‑ekanamičnaha supracoŭnictva pamiž Biełaruśsiu i Rasijaj, pahadnieńnie ab umovach pastavak biełaruskaha cukru na rasijski rynak na 2007—2008 hady, pratakoł ab paradku spahnańnia ŭskosnych padatkaŭ pry eksparcie/imparcie pasłuh i mnohija inšyja dakumienty.
