Try rajony Minska (Centralny, Maskoŭski i Frunzienski) byli abiastočany ranicaj 14 červienia, paviedamiŭ BiełaPAN pamočnik načalnika Minskaha haradskoha ŭpraŭleńnia MNS Vital Demboŭski.
Adklučeńnie było zafiksavana ŭ 8.32 na šerahu vulic u žyłych damach. U vyniku hetaha adbyłosia spynieńnie niekalkich tralejbusnych maršrutaŭ. U 10.05 elektrazabieśpiačeńnie žyłoj častki horada było adnoŭlena.
Pryčyny adklučeńnia ŭstanaŭlivajucca.
Akramia taho, 14 červienia ŭ 7.19 u vyniku avaryi na pavietranaj linii 110 kV na siomaj apory pamiž padstancyjaj «Kaladzičy» pa vuł. Babuškina, 5, i padstancyjaj «MAZ-1» pa vuł. Sacyjalistyčnaj, 2, adbyłosia častkovaje adklučeńnie cechaŭ i vytvorčaściaŭ na terytoryi Minskaha aŭtazavoda i spažyŭcoŭ pa vulicy Inžyniernaj i zavułku Pramysłovamu (składskija pamiaškańni). U 10.15 elektrazabieśpiačeńnie spažyŭcoŭ pa vuł. Inžyniernaj, zav. Pramysłovamu i na MAZie było adnoŭlena, akramia elektrazabieśpiačeńnia niekalkich piačej na liciejnych i kavalskich vytvorčaściach. Dla adnaŭleńnia elektrazabieśpiačeńnia i likvidacyi paškodžańnia pryciahvalisia avaryjnyja bryhady UP «Minskija kabielnyja sietki», upraŭleńnie hałoŭnaha enierhietyka AAT «MAZ».
Maryna Nosava, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
