Ab hetym paviedamiŭ siońnia namieśnik staršyni Minharvykankama Michaił Ciciankoŭ na apieratyŭnaj naradzie ŭ meryi.
Pavodle jaho słoŭ, akcyja prachodziła na dźviuch placoŭkach — na terytoryi aeraporta Minsk‑1 i kala Nacyjanalnaj biblijateki Biełarusi — i była arhanizavana ŭ vyhladzie maładziožnaha muzyčnaha fiestyvalu. «U aeraporcie na praciahu dnia ŭ mierapryjemstvach pryniali ŭdzieł kala 40 tys., kala biblijateki — pryblizna 10 tys. čałaviek», — skazaŭ Michaił Ciciankoŭ. U hety dzień dla minčan vystupili papularnyja estradnyja i rok‑vykanaŭcy, adbylisia zachaplalnyja konkursy, viktaryny, spabornictvy pa mini‑futbołu, strytbołu.
Pavodle acenki namieśnika staršyni harvykankama, «akcyja startavała vielmi arhanizavana». Michaił Ciciankoŭ adznačyŭ vysokuju cikavaść z boku moładzi da akcyi i vykazaŭsia za praviadzieńnie takich mierapryjemstvaŭ u dalejšym. U jakaści farmatu było prapanavana kala biblijateki pravodzić kancerty kłasičnaha charaktaru, a ŭ aeraporcie — u sučasnym styli z elemientami vuličnaj kultury.
Nahadajem, što respublikanskaja akcyja «Za niezaležnuju Biełaruś!» nakiravana na farmiravańnie patryjatyčnych kaštoŭnaściej, papularyzacyju maładziožnaha ruchu i prapahandu muzyčnaj tvorčaści, zdarovaha ładu žyćcia. Na praciahu sakavika — lipienia anałahičnyja mierapryjemstvy adbuducca va ŭsich rajonach i abłasnych centrach respubliki. Finišuje akcyja 3 lipienia — u Dzień niezaležnaści — na stadyjonie «Dynama» vialikim hała‑kancertam majstroŭ mastactvaŭ.
