Niahledziačy na toje, što bolšaść fatohrafaŭ ŭžo daŭno nie prajaŭlaje svaje zdymki ŭručnuju ŭ ciomnych-pryciomnych pakojach, sa śpiecyjalnymi reaktyvami, i, kaniečnie, nie sušyć ich jak raniej na viarovačkach ŭ vannaj, 16 červienia ŭ dvoryku muzieja historyi Minska na pryščepkach visieli i «sušylisia» dziasiatki fotazdymkaŭ.
Heta akcyja «Fota-suška». Ideja mierapryjemstva davoli prostaja: prychodź, prynoś svaje fotazdymki, viešaj na viarovački, a ŭzamien na pamiać možna zabrać inšaje fota, jakoje budzie daspadoby. Pry žadańni, na advotrotnym baku možna napisać imiony i kantaktnyja dadzienyja, kab potym abmieńvacca vopytam ci prosta ŭražańniami ad fatazdymkaŭ.
Pieršaja padobnaja akcyja adbyłasia ŭ Sankt-Pieciarburhu dva hady tamu, paśla pakaciłasia pa roznych haradach i krainach, nabirajučy papularnaść. U Minsku sioleta «sušyli fota» upieršyniu, adnak niahledziačy na pieršy raz, blin vyjšaŭ nie komam. Było davoli mnoha ludziej, dziesiatki fota-abjektyvaŭ, mnostva cikavych fatazdymkaŭ i pazityŭny nastroj.
