27 sakavika było pryniataje rašeńnie ab abrańni novaha japiskapa Babrujskaha i Bychaŭskaha. Im staŭ 33‑hadovy jeramanach Sierafim, u śvieckim žyćci Alaksiej Biełanožka.
Jon naradziŭsia ŭ 1973 h. u Śviardłoŭsku (ciapier Jekaciarynburh, Rasieja), pryniaŭ manaski postryh. Skončyŭ Mienskuju duchoŭnuju seminaryju (1994), universytet u Sałonikach (Hrecyja, 2000), Ciubinhienski ŭniversytet (Niamieččyna, 2001), Mienskuju duchoŭnuju akademiju (2003). Maje navukovuju stupień kandydata bahasłoŭja. Źjaŭlajecca prarektaram Instytutu tealohii BDU, aproč BDU pracuje ŭ Mienskaj duchoŭnaj seminaryi i Mienskaj akademii. Vykładaje Śviatoje Piśmo Staroha i Novaha Zapavietaŭ, a taksama bizantalohiju. Źjaŭlajecca klirykam Śviata‑Duchavaha katedralnaha saboru. U sferu navukovych intaresaŭ uvachodzić bahasłoŭje apostała Paŭła, na hetuju ž temu abaraniaŭ dysertacyju.
Nahadajem, što ŭ śniežni 2006 h. Synod vyrašyŭ vyzvalić z pasady japiskapa Babrujskaha i Bychaŭskaha preaśviaščennaha Piatra, jakoha adpravili ŭ Viciebski manastyr.
Časova kiravańnie Babrujskaj japarchijaj pieraniaŭ japiskap Mahiloŭski Safronij, ciapier ža adbyłosia novaje pryznačeńnie. San japiskapa jeramanach Sierafim atrymaje ŭ Miensku.
Fota z sajtu Instytutu tealohii BDU
